মনোনয়ন পত্ৰ দাখিলক লৈ গোলাঘাটত উৎসৱমুখৰ পৰিৱেশ

এফালে যদি অজন্তা নেওগক লগত লৈ হিমন্ত বিশ্ব শৰ্মাৰ পদযাত্ৰা, আনফালে গৌৰৱ গগৈ, ৰকিবুল হুছেইন সহিতে হাতীৰ পিঠিত উঠি বিতুপন শইকীয়াই দাখিল কৰিলে মনোনয়ন পত্ৰ ৷

গোলাঘাট,8 মাৰ্চ: ৰাজ্যত এতিয়া গৰম হৈ পৰিছে নিৰ্বাচনী বতাহ ৷ সোমবাৰে প্ৰথম পৰ্যায়ৰ নিৰ্বাচনৰ বাবে মনোনয়ন পত্ৰ দাখিলৰ দিনাই গোলাঘাটৰ আকাশত উৰিল কংগ্ৰেছ আৰু বিজেপিৰ হেলিকপ্টাৰ ৷ মনোনয়ন দাখিলৰ দিনটোতে নিজ নিজ শক্তি প্ৰদৰ্শন কৰিলে বিজেপি আৰু কংগ্ৰেছে৷ এক উদুলি-মুদুলি পৰিৱেশে বিৰাজ কৰে গোলাঘাট চহৰত ৷

এফালে যদি অজন্তা নেওগক লগত লৈ হিমন্ত বিশ্ব শৰ্মাৰ পদযাত্ৰা, আনফালে গৌৰৱ গগৈ, ৰকিবুল হুছেইন সহিতে হাতীৰ পিঠিত উঠি বিতুপন শইকীয়াই দাখিল কৰিলে মনোনয়ন পত্ৰ ৷

উল্লেখ্য যে, সোমবাৰে হিমন্ত বিশ্ব শৰ্মাই অগনন সমৰ্থকক লগত লৈ প্ৰায় চাৰি কিলোমিটাৰ পদযাত্ৰা কৰি অজন্তা নেওগক মনোনয়ন পত্ৰ দাখিলৰ সময়ত সংগ দিয়ে ৷ সমান্তৰালকৈ প্ৰায় 2 হাজাৰ সমৰ্থকক লগত লৈ হাতীৰ পিঠিত উঠি গৈ মনোনয়ন পত্ৰ দাখিল কৰিলে গোলাঘাট সমষ্টিৰ কংগ্ৰেছৰ প্ৰাৰ্থী বিতুপন শইকীয়াই ৷

খুমটাইৰ কংগ্ৰেছ প্ৰাৰ্থী বিস্মিতা গগৈৰ মনোনয়ন দাখিল

ইপিনে অজন্তা নেওগৰ মনোনয়ন দাখিলৰ সময়ত সংগ দিলে মন্ত্ৰী পীযুষ হাজৰিকাই ৷ একেদিনাই মনোনয়ন দাখিল কৰিলে খুমটাইৰ কংগ্ৰেছ প্ৰাৰ্থী বিস্মিতা গগৈয়ে ৷ আনহাতে অসম জাতীয় পৰিষদ দলৰ পৰা মনোনয়ন দাখিল কৰিলে পৱন শইকীয়াই ৷

খুমটাইৰ অজাপ ৰ প্ৰাৰ্থী পৱন শইকীয়াৰ মনোনয়ন দাখিল

লগতে পঢ়কঃঅখিল গগৈ নতুন অসমৰ স্বপ্ন !