সৰুপথাৰ, 14 অক্টোবৰ : মহানৱমীৰ আনন্দ উল্লাসৰ মাজতে বৰপথাৰত সংঘটিত হৈছে শোকাৱহ পথ দুৰ্ঘটনা । দুখন বাইকৰ মাজত সংঘটিত হৈছে মুখামুখি সংঘৰ্ষ । দুয়োখন বাইকত অহা ৪ জন বাইক আৰোহীক ৰাইজে অতি সংকটজনক অৱস্থাত উদ্ধাৰ কৰে ।
উল্লেখযোগ্য যে, দুৰ্ঘটনা সংঘটিত দুজনক সংকটজনক অৱস্থাত গোলাঘাটলৈ লৈ যায় আৰু দুজনক বৰপথাৰ অসামৰিক চিকিৎসালয়ত ভৰ্তি কৰোৱা হয় ৷ প্ৰত্যক্ষদৰ্শীৰ মতে ইয়াৰে দুজনৰ নাম ৰাজীৱ তামুলী আৰু প্ৰণৱ হাজৰিকা । আন দুজনক এতিয়াও চিনাক্ত কৰিব পৰা হোৱা নাই । ইতিমধ্যে ঘটনাস্থলীত বৰপথাৰ আৰক্ষী উপস্থিত হৈছে ।