নৈশ কাৰ্ফিউৰ মাজতে গোলাঘাটত চোৰৰ চাফাই অভিযান

বুধবাৰে নিশা গোলাঘাটৰ তপন নগৰৰ জয় প্ৰকাশ গুপ্তাৰ দোকানত চোৰে চলালে চাফাই অভিযান । দোকানত থকা গেলামাল অথবা অন্যান্য সামগ্ৰীত হাত নিদি চোৰৰ চকু কেচ বক্সত ৷ নগদ 45হাজাৰ টকা লৈ উধাও হ'ল চোৰকেইটা ৷

গোলাঘাট, 27মে’:কভিড-19 প্ৰতিৰোধৰ বাবে ৰাজ্যজুৰি অব্যাহত আছে নৈশ কাৰ্ফিউ । সেয়েহে নিশা জনশূন্য হৈ পৰা গোলাঘাট নগৰত আৰক্ষীৰ তহলৰ সমানেই নিশা চলিছে চোৰৰ তহল ৷

বুধবাৰে নিশা গোলাঘাটৰ তপন নগৰৰ জয় প্ৰকাশ গুপ্তাৰ দোকানত চোৰে চলালে চাফাই অভিযান । অৱশ্যে দোকানত থকা গেলামাল অথবা অন্যান্য সামগ্ৰীত হাত নিদি চোৰৰ চকু পৰে কেচ বক্সত ৷ দোকানৰ সামগ্ৰী সমূহ লণ্ড-ভণ্ড কৰাৰ লগতে চোৰে প্ৰায় 45 হাজাৰ চোৰ কৰি নিয়ে ৷

প্ৰাপ্ত তথ্য অনুসৰি চোৰে পৃথকে পৃথকে ৰখা প্ৰায় ৪৫ হাজাৰ টকা চুৰ কৰি নিয়ে ৷ পুৱাৰ ভাগত দোকানৰ স্বতাধিকাৰীয়ে দোকান খোলাৰ পাচতে সমগ্ৰ ঘটনা পোহৰলৈ আহে ৷ লগে লগে ব্যৱসায়ী গৰাকীয়ে গোলাঘাট আৰক্ষীক খবৰ দিয়াত ঘটনাস্থলীত উপস্থিত হৈ আৰক্ষীয়ে তদন্ত আৰম্ভ কৰে ৷ জানিব পৰা মতে, দোকানখনৰ সমীপৰ চিচিটিভি ফুটেজ পৰীক্ষা কৰাত তিনিটাকৈ চোৰক দেখা গৈছে চিচি টিভি কেমেৰাত ৷

লগতে পঢ়কঃ নলবাৰীৰ কথিত ভাষাক লৈ ইতিকিং কৰা যুৱকৰ বিৰুদ্ধে এজাহাৰ