COVID19ৰ ভেকচিনক লৈ এতিয়াও অনিশ্চয়তা আছোঁঃ মন্ত্ৰী ড0 হিমন্ত বিশ্ব শৰ্মা

জিলাখনত কৰ'ণা ভাইৰাছত আক্ৰান্ত হোৱা ৰোগীৰ সংখ্যা বৰ্তমান ১৬৩ গৰাকীলৈ বৃদ্ধি পাইছে । ইয়াৰ লগতে গোলাঘাট জিলাত কোৱাৰেণ্টাইন হৈ থকা 1542 গৰাকী লোকৰ ভিতৰত 1031 গৰাকী লোকক মুকলি কৰি দিয়াৰ কথা কৈ বৰ্তমানে গোলাঘাটত 511 গৰাকী লোক কোৱাৰেণ্টাইনত থকাৰ কথা জানিবলৈ দিয়ে ৷

গোলাঘাট,30মে':জুন মাহৰ পহিলা সপ্তাহত ঘোষণা কৰা হ'ব হাইস্কুল শিক্ষান্ত পৰীক্ষাৰ ফলাফল ৷ আজি গোলাঘাটত উপস্থিত হৈ সংবাদমাধ্যমৰ আগত এই মন্তব্য কৰে মন্ত্ৰী ড৹ হিমন্ত বিশ্ব শৰ্মাই ।

গোলাঘাট জিলাত কৰ'ণা সম্বন্ধীয় এক বিশেষ বৈঠকত অংশগ্ৰহণ কৰি মন্ত্ৰীগৰাকীয়ে সংবাদমাধ্যমৰ আগত মন্তব্য প্ৰকাশ কৰি কয় যে, জিলাখনত কৰ'ণা ভাইৰাছত আক্ৰান্ত হোৱা ৰোগীৰ সংখ্যা বৰ্তমান ১৬৩ গৰাকীলৈ বৃদ্ধি পাইছে । গোলাঘাট জিলাত কোৱাৰেণ্টাইন হৈ থকা 1542 গৰাকী লোকৰ ভিতৰত 1031 গৰাকী লোকক মুকলি কৰি দিয়াৰ কথা কৈ বৰ্তমানে গোলাঘাটত 511 গৰাকী লোক কোৱাৰেণ্টাইন হৈ থকাৰ কথা জানিবলৈ দিয়ে ৷

গোলাঘাট জিলাত হঠাৎ কৰ'ণাত আক্ৰান্ত ৰোগী বৃদ্ধি সন্দৰ্ভত মন্ত্ৰীগৰাকীয়ে চেন্নাইৰ পৰা অহা লোকৰ শৰীৰত কৰ'ণা ভাইৰাছৰ উপস্থিতি আছিল বাবেই গোলাঘাটত কৰ'ণাত আক্ৰান্ত ৰোগী বৃদ্ধি পোৱাৰ কথা জানিবলৈ দিয়ে ৷ আনহাতে, সংবাদ মেলত বয়োজ্যেষ্ঠ লোকসকলক সাৱধানতা অৱলম্বন কৰিবলৈ কৈ COVID19ৰ ভেকচিনক লৈ এতিয়াও চৰকাৰ অনিশ্চয়তাত থকা বুলিহে মন্ত্ৰী ড৹ হিমন্ত বিশ্ব শৰ্মাই মন্তব্য প্ৰকাশ কৰে ৷

আজি গোলাঘাটৰ অনুষ্ঠিত এই বৈঠকত মন্ত্ৰীগৰাকীৰ সৈতে উপস্থিত থাকে কৃষি মন্ত্ৰী অতুল বৰা, সাংসদ কামাখ্যা প্ৰসাদ তাচা, প্ৰাক্তন মন্ত্ৰী তথা বিধায়িকা অজন্তা নেওগ, বিধায়িকা ৰ'জলীনা তিৰ্কী ৷