গোলাঘাট, 4 জানুৱাৰী: অ’মিক্ৰণক লৈ শংকিত হোৱাৰ প্ৰয়োজন নাই, বৰঞ্চ সতৰ্ক হ'ব লাগিব । সংক্ৰমণ বেছি হ'লেও তাৰ পৰা হোৱা ক্ষতিৰ পৰিমাণ খুউব কম (There is no need to panic and be afraid of Omicron)। এই মন্তব্য স্বাস্থ্যমন্ত্ৰী কেশৱ মহন্তৰ ।
গোলাঘাটৰ ৰঙাজানস্থিত ডনবস্কো স্কুলৰ ভেকচিন প্ৰদান কাৰ্যসূচীত উপস্থিত থাকি স্বাস্থ্যমন্ত্ৰীগৰাকীয়ে লগতে কয় যে, অহা ফেব্ৰুৱাৰী মাহৰ ভিতৰত ৰাজ্যত সমাপ্ত কৰা হ'ব 15ৰ পৰা 18 বছৰৰ কিশোৰ-কিশোৰীৰ ভেকচিন প্ৰদান প্ৰক্ৰিয়া ৷ ফলত মাৰ্চ মাহলৈকে পৰীক্ষাত অৱতীৰ্ণ হ’বলগীয়া ছাত্ৰ-ছাত্ৰীৰ বিশেষ অসুবিধা নহয় ৷ সোমবাৰে ৰাজ্যত ক'ভিড সংক্ৰমণ কিছু পৰিমানে বঢ়াৰ পৰিপ্ৰেক্ষিতত আজি পুৱা বিশেষজ্ঞসকলৰ সৈতে স্বাস্থ্য বিভাগে আলোচনা কৰাৰ কথাও উল্লেখ কৰে স্বাস্থ্যমন্ত্ৰী কেশৱ মহন্তই ৷
অ’মিক্ৰন সন্দৰ্ভত স্বাস্থ্যমন্ত্ৰীৰ মন্তব্য