গোলাঘাটত লোমহৰ্ষক হত্যাকাণ্ডঃ 27 বছৰীয়া এজন যুৱকৰ মৃত্যু

সোমবাৰে নিশা দেৰগাঁৱৰ গড়মৰাত দুৰ্বত্তৰ আক্ৰমণত মৃত্যুক সাৱটি ল'ব লগা হয় অনিল শইকীয়া নামৰ এজন 27 বছৰীয়া যুৱকে ৷ দুৰ্বৃত্তৰ আক্ৰমণত গুৰুতৰভাৱে আহত হোৱা অনিল শইকীয়াক নিশাই অতি সংকটজনক অৱস্থাত যোৰহাট চিকিৎসা মহাবিদ্যালয়লৈ লৈ অনা হৈছিল যদিও ৰাজপথতে মৃত্যু হয় যুৱকজনৰ ৷

গোলাঘাট,27 অক্টোবৰঃ দুৰ্গা পূজাৰ আনন্দ-উল্লাসৰ মাজতে গোলাঘাটৰ দেৰগাঁৱত সংঘটিত হৈছে এক লোমহৰ্ষক হত্যাকাণ্ড ৷ সোমবাৰে নিশা দেৰগাঁৱৰ গড়মৰাত দুৰ্বৃত্তৰ আক্ৰমণত গুৰুতৰভাৱে আহত হৈ অৱশেষত মৃত্যুক সাৱটি ল'ব লগা হয় অনিল শইকীয়া নামৰ এজন 27 বছৰীয়া যুৱকে ৷

গোলাঘাটত সংঘটিত লোমহৰ্ষক হত্যাকাণ্ড

দুৰ্বৃত্তৰ আক্ৰমণত গুৰুতৰভাৱে আহত হোৱা অনিল শইকীয়াক নিশাই অতি সংকটজনক অৱস্থাত যোৰহাট চিকিৎসা মহাবিদ্যালয়লৈ লৈ অনা হৈছিল যদিও ৰাজপথতে মৃত্যু হয় যুৱকজনৰ ৷

সমগ্ৰ শৰীৰতে চোকা অস্ত্ৰৰ আঘাতৰ চিন স্পষ্ট যুৱকজনক কোনে, কিয় হত্যা কৰিলে সেইয়া এতিয়াও ৰহস্যৰ আৱৰ্তত ৷ ঘটনা সন্দৰ্ভত আৰক্ষীয়ে তদন্ত আৰম্ভ কৰিছে যদিও বৰ্তমানলৈকে কোনো তথ্য লাভ কৰিবলৈ সক্ষম হোৱা নাই ৷ আনহাতে সমগ্ৰ ঘটনাক লৈ এতিয়াও অঞ্চলজুৰি অব্যাহত আছে চাঞ্চল্য৷

লগতে পঢ়কঃ আৰ্মি কামাণ্ডাৰ কনফাৰেন্স সম্বোধন কৰিব প্ৰতিৰক্ষা মন্ত্ৰী ৰাজনাথ সিঙে