গোলাঘাট, 26 এপ্ৰিল : গোলাঘাটৰ খুমটাই আদৰ্শ চিকিৎসালয়ত ক’ভিড ভেকচিনৰ প্ৰথম আৰু দ্বিতীয় পালি প্ৰতিষেধক প্ৰদানক লৈ হুলস্থুলীয়া পৰিৱেশ ৷ চিকিৎসালয়ৰ কৰ্তৃপক্ষৰ বিৰুদ্ধে অভিযোগ প্ৰতিষেধক ল’বলৈ অহা ব্যক্তিৰ । ভেকচিনৰ প্ৰথম পালি প্ৰতিষেধক ল’বলৈ আহি চিকিৎসালয়ত পুৱাৰে পৰা ভিৰ কৰিছিল একাংশ লোকে । চিকিৎসালয় খোলাৰ পিচত ভেকচিন ল’বলৈ অহা ব্যক্তিসকলে গম পাই সোমবাৰে চিকিৎসালয়ত প্ৰদান কৰা হ’ব দ্বিতীয় পালি প্ৰতিষেধক । ইয়াকে লৈ পুৱাৰে পৰা অপেক্ষাত থকা ব্যক্তিসকল উত্তেজিত হৈ পৰে ।
ক’ভিড ভেকচিন লোৱাক লৈ খুমটাই আদৰ্শ চিকিৎসালয়ত হুলস্থুলীয়া পৰিৱেশ যিহেতু ভেকচিন কাক দিয়া হ'ব সেইবিষয়ে চিকিৎসালয় চৌহদত আগতীয়া কোনোধৰণৰ জাননী প্ৰদান কৰা হোৱা নাছিল সেই হেতুকে দূৰণিৰ পৰা ভেকচিনৰ ল'বলৈ অহা লোক সকল অতীষ্ঠ হৈ পৰে । ইয়াকে লৈ চিকিৎসালয়খনত সৃষ্টি হৈছিল এক হুলস্থুলীয়া পৰিৱেশ ৷ উল্লেখ্য যে, খুমটাই চিকিৎসালয়লৈ দেওবাৰে নিশা মাত্ৰ ডেৰশ ভেকচিনহে লাভ কৰিছিল । যাৰ বাবে চিকিৎসালয় কৰ্তৃপক্ষই সিদ্ধান্ত লোৱাত পলম হয় ৷ পৰিস্থিতিৰ প্ৰতি লক্ষ্য ৰাখি শেষত চিকিৎসালয়খনৰ অধীক্ষক ডা৹ মনোজ হাজৰিকাই ৩০ শতাংশ প্ৰথম পালি আৰু ৭০ শতাংশ দ্বিতীয় পালি প্ৰতিষেধক দিবলৈ নিৰ্দেশ প্ৰদান কৰে ।
লগতে পঢ়ক :মাওবাদী আক্ৰমণ : ছুকমাৰ ৰাজপথত জ্বলিল ৭ খন বাহন
