বোকাখাত, 7 অক্টোবৰ : বোকাখাত চক্ৰ বিষয়াৰ কাৰ্যালয়ত বৃহস্পতিবাৰে এক উত্তপ্ত পৰিস্থিতি সৃষ্টি হয় ৷ এগৰাকী অসুস্থ মহিলাক কৰ্তব্যৰত মণ্ডলে প্ৰহাৰ কৰা বুলি উঠা অভিযোগক কেন্দ্ৰ কৰি সৃষ্টি হয় এই উত্তপ্ত পৰিস্থিতি ৷
মিনু দাস নামৰ গৰাকী মহিলাই অভিযোগ কৰা মতে, তেখেতৰ পিতৃয়ে দি যোৱা ২ বিঘা মাটি নামজাৰি কৰাৰ চলেৰে মিছা প্ৰলোভন দি ছহী কৰাই মহিলাগৰাকীৰ অজ্ঞাতে মণ্ডলে বেলেগক বিক্ৰী কৰি দিয়ে ৷ চাৰিলেণ্ড যুক্ত পথ নিৰ্মাণৰ বাবে যেতিয়া মাটিখিনি অধিগ্ৰহণ হয় তেতিয়া ক্ষতিপূৰণ পোৱাৰ পৰা বঞ্চিত হয় মহিলা গৰাকী ৷
এগৰাকী অসুস্থ মহিলাক প্ৰহাৰ কৰা অভিযোগ মণ্ডলৰ বিৰুদ্ধে
যাৰ পৰিপেক্ষিতত বৃহস্পতিবাৰে মহিলা গৰাকীয়ে বোকাখাত চক্ৰ বিষয়াৰ কাৰ্যালয়ত উপস্থিত হৈ পৰিস্থিতি উত্তপ্ত কৰি তোলে । মিনু দাসৰ মতে, পৈতৃক সম্পত্তিৰ ২ বিঘা মাটি তেখেতৰ ভাতৃ অনিল বৰাৰ নামত গোপনে নামজাৰি কৰি ফ'ৰ লেণ্ডৰ টকা মণ্ডল সহযোগত আত্মসাৎ কৰে ।