নুমলীগড়, ১৬ জুলাই :প্ৰতিবাদত উত্তাল নুমলীগড় শোধনাগাৰ (Protest at Numaligarh Refinery Limited)। এজন লোকৰ মৃত্যুক কেন্দ্ৰ কৰি শোধনাগাৰৰ মাৰ্কেটিং টাৰ্মিনেলৰ মুখ্যদ্বাৰত তীব্ৰ প্ৰতিবাদ সাব্যস্ত কৰে একাংশ লোকে । শোধনাগাৰ কৰ্তৃপক্ষৰ দায়িত্বহীনতাৰ বাবে লোকজনৰ মৃত্যুৰ অভিযোগ লোকসকলৰ । শোধনাগাৰৰ মাৰ্কেটিং টাৰ্মিনেলৰ মুখ্যদ্বাৰৰ লগতে ৩৯ নং ৰাষ্ট্ৰীয় ঘাইপথ অৱৰোধ কৰে লেটেকুজান চাহ বাগিচাৰ শ্ৰমিকসকলে (Protesters block national highway at Numaligarh)।
উল্লেখ্য যে মাৰ্কেটিং টাৰ্মিনেলৰ সন্মুখৰ ৩৯ নং ৰাষ্ট্ৰীয় ঘাইপথত যধেমধে টেংকাৰসমূহ পাৰ্কিং কৰাৰ ফলত প্ৰায়ে দুৰ্ঘটনা সংঘটিত হয় । আনকি দুৰ্ঘটনাত কেইবাজনো লোকৰ মৃত্যুও হৈছে । শুকুৰবাৰে বিয়লি পুনৰ লেটেকুজান চাহ বাগিচাৰ চাদ্দাম হুছেইন নামৰ এজন যুৱক সেই স্থানত দুৰ্ঘটনাত পতিত হয় । দুৰ্ঘটনাত চাদ্দাম হুছেইনৰ মৃত্যু হয় ।