খুমটাই, 17 নৱেম্বৰঃ অসম চৰকাৰে MBBS আৰু BDSৰ বাবে ঘোষণা কৰা চাহ জনগোষ্ঠীৰ সংৰক্ষিত তালিকাত বিসংগতি ৷ এই অভিযোগ চাহ ও প্ৰাক্তন চাহ মজদুৰ কংগ্ৰেছৰ ৷ অসম চৰকাৰে চাহ জনগোষ্ঠীৰ ২১ গৰাকী শিক্ষাৰ্থীৰ বাবে MBBS আৰু BDSৰ আসন সংৰক্ষিত কৰিছিল যদিও তালিকাখনত কেইবা গৰাকীয়ো শিক্ষাৰ্থী চাহ জনগোষ্ঠীৰ নহয় বুলি দাবী কৰিছে সংগঠনটোৰ সভাপতি জিতেন কুৰ্মীয়ে ৷ চাহ জনগোষ্ঠীৰ শিক্ষাৰ্থীৰ বাবে সংৰক্ষিত তালিকাখনত কেইবাগৰাকীয়ো অনা চাহ জনগোষ্ঠীয় শিক্ষাৰ্থীৰ নাম অন্তৰ্ভুক্ত হৈ আছে ৷
MBBS আৰু BDSৰ বাবে ঘোষণা কৰা চাহ জনগোষ্ঠীৰ সংৰক্ষিত তালিকাত বিষংগতি ৰাজ্যৰ শিক্ষাবিভাগে চাহ জনগোষ্ঠীয় শিক্ষাৰ্থীৰ শিক্ষাৰ ক্ষেত্ৰত বিশেষ পদক্ষেপ গ্ৰহণ কৰিছিল যদিও বিভাগীয় কৰ্মচাৰীৰ বাবে এই ঘটনা সংঘটিত হোৱাৰ অভিযোগ সংগঠনটোৰ ৷ সেয়েহে ৰাজ্যৰ মুখ্যমন্ত্ৰী আৰু শিক্ষামন্ত্ৰীয়ে এই সমগ্ৰ বিষয়টো গুৰুত্ব সহকাৰে লৈ চাহ জনগোষ্ঠীৰ শিক্ষাৰ্থীসকলে যাতে সম্পূৰ্ণ সুবিধা লাভ কৰে তাৰ বাবে তদন্ত কৰিবলৈ আহ্বান জনায় জিতেন কুৰ্মীয়ে ৷ ইয়াৰ উপৰিও যিসকল অনা চাহ জনগোষ্ঠীয় শিক্ষাৰ্থীৰ নাম এই তালিকাত অন্তৰ্ভুক্ত হৈছে তেওঁলোকে চাহ জনগোষ্ঠীৰ প্ৰমাণ পত্ৰ কেনেদৰে সংগ্ৰহ কৰিলে তাৰ ওপৰতো তদন্ত কৰিবলৈ আহ্বান জনায় ৷
লগতে পঢ়ক-ৰঙাপৰাত যুৱতীৰ মৃতদেহ উদ্ধাৰঃ ধৰ্ষণ কৰি হত্যাৰ সন্দেহ
