গোলাঘাট,30 মাৰ্চ: সোমবাৰে ৰাজ্যবাসীয়ে উলাহ-মালহেৰে উদযাপন কৰিলে ৰঙৰ উৎসৱ ফাকুৱা ৷ হিন্দু ধৰ্মাৱলম্বী লোকসকলে ধৰ্মীয় ৰীতি-নীতিৰে উদযাপন কৰা এই উৎসৱৰ আছে এক সুকীয়া মাদকতা ৷ এই উৎসৱত ৰং, আবিৰ খেলি আনন্দত মতলীয়া হৈ পৰে একাংশ লোক ৷ প্ৰতিটো ধৰ্ম তথা জনগোষ্ঠীয়ে নিজ নিজ পৰম্পৰা অনুসৰি পালন কৰি আহিছে এই উৎসৱটি ৷
আন আন জনগোষ্ঠীৰ সমান্তৰালকৈ চাহ জনগোষ্ঠীৰ লোকসকলেও উদযাপন কৰিলে ফাকুৱা ৷ পূৰ্বৰ পৰম্পৰা অনুসৰি ফাকুৱা উপলক্ষে চাহ জনগোষ্ঠীৰ লোকসকলে পৰম্পৰাগতভাৱে খেলিলে লাঠীখেল ৷ হাতত লাঠী লৈ মৃদংগৰ তালে তালে নৃত্য পৰিৱেশন কৰিলে খুমটাই চাহ বাগিচাৰ লোকসকলে ৷ প্ৰবাদ অনুসৰি শ্ৰীকৃষ্ণই দ্বাপৰ যুগত গোপীসকলৰ লগত এইধৰণে লাঠী খেলি ফাকুৱা উৎসৱ পালন কৰিছিল ।
লগতে পঢ়ক:লুৰিণ জ্যোতি গগৈৰ মাতৃৰ আশু আৰোগ্য কামনাৰে চাচনীবাসীৰ বন্তি প্ৰজ্বলন