সৰুপথাৰ, 15 জুন : ভাৰতীয় স্বাধীনতা সংগ্ৰামৰ অন্যতম নেতা, জাতীয় বীৰ শ্বহীদ কুশল কোঁৱৰৰ স্মৃতিত সৰুপথাৰত সৌধ নিৰ্মাণৰ আধাৰশিলা স্থাপন কৰা হয় ৷ শ্বহীদ গৰাকীৰ স্মৃতি সৌধ নিৰ্মাণৰ আধাৰশিলা স্থাপন কৰে সৰুপথাৰৰ বিধায়ক বিশ্বজিৎ ফুকন ৷
উল্লেখ্য যে , ভাৰতৰ স্বাধীনতা আন্দোলনৰ সেনানী সৰুপথাৰৰ কুশল কোঁৱৰক 1943 চনত 15 জুন দিনটোতে ৰে’ল বগৰোৱাৰ অপৰাধত বৃটিছে ফাঁচি দিছিল । মহাত্মা গান্ধীৰ নেতৃত্বত চলা ভাৰত ত্যাগ আন্দোলনত জপিয়াই পৰিছিল কুশল কোঁৱৰ ।
সৰুপথাৰত শ্বহীদ কুশল কোঁৱৰৰ স্মৃতি সৌধ নিৰ্মাণৰ আধাৰশিলা
ভাৰত ত্যাগ আন্দোলনত সৰুপথাৰৰ শুকান নালা নামৰ ঠাইত বৃটিছ সৈন্য বাহিনী কঢ়িওৱা এখন ট্ৰেইন বগৰাইছিল । এই ট্ৰেইন বগৰোৱাৰ অপৰাধত দোষী সাব্যস্ত কৰি ১৯৪৩ চনৰ ১৫ জুনত বৃটিছ চৰকাৰে যোৰহাট কাৰাগাৰত কুশল কোঁৱৰক ফাঁচি দিছিল ।