খুমটাইৰ মিছামৰা চাহ বাগিচাত নিৰুদ্দেশ ছাত্ৰ

খুমটাইৰ মিছামৰা চাহ বাগিচাৰ ১৩ বছৰীয়া ছাত্ৰ মহিবুল আলী সোমবাৰৰ পৰা নিৰুদ্দেশ হৈ থকা ঘটনাই অঞ্চলটোত সৃষ্টি কৰিছে চাঞ্চল্যৰ ৷ ছাত্ৰজনৰ সন্ধানৰ বাবে আৰক্ষীয়ে কোনো ব্যৱস্থা গ্ৰহণ নকৰাৰ অভিযোগ যুৱকজনৰ পৰিয়ালৰ ৷

গোলাঘাট,16অক্টোবৰ : গোলাঘাট জিলাৰ খুমটাইৰ মিছামৰা চাহ বাগিচাত চাঞ্চল্যকৰ ঘটনা ৷ বাগিচাখনৰ ৮ নং ৱাৰ্ডৰ মজিবুল আলীৰ পুত্ৰ মহিবুল আলী নামৰ এজন ছাত্ৰ সোমবাৰৰ পৰা নিৰুদ্দেশ হৈ আছে ৷ ছাত্ৰজনৰ বয়স 13 বছৰ ৷

ঘটনা অনুসৰি,সোমবাৰে সন্ধিয়া ৭ মান বজাত ঘৰৰ পৰা দোকানলৈ ওলাই গৈছিল মহিবুল ৷ কিন্তু ইয়াৰ পাছৰ পৰাই কোনো শুং-সূত্ৰ নাই ছাত্ৰজনৰ ৷পৰিয়ালৰ লোকে বহু বিচাৰ-খোচৰ কৰে যদিও ছাত্ৰজনৰ কোনো সন্ধান পাবলৈ সক্ষম হোৱা নাই ৷ অৱশেষত পৰিয়ালৰ লোকে উপায়ন্তৰ হৈ ছাত্ৰজনৰ নিৰুদ্দেশ হোৱা ঘটনা দেৰগাঁও অৰক্ষীক অৱগত কৰে ৷ কিন্তু দেৰগাঁও আৰক্ষীয়ে মহিবুলক উদ্ধাৰৰ বাবে কোনো ব্যৱস্থা গ্ৰহণ কৰা নাই বুলি মহিবুলৰ মাতৃয়ে অভিযোগ উত্থাপন কৰিছে ৷