"অসম চুক্তি" দাহেৰে হিন্দু যুৱ ছাত্ৰ পৰিষদৰ প্ৰতিবাদ

বিদেশী বহিষ্কৰণৰ সময়সীমা ১৯৭১ চনৰ পৰিবৰ্তে ১৯৫১ চন কৰাৰ দাবী

গোলাঘাট, ১৫ ফেব্ৰুৱাৰীঃ শুকুৰবাৰে গোলাঘাটত ঐতিহাসিক অসম চুক্তিৰ প্ৰতিলিপি দাহ কৰি প্ৰতিবাদ সাব্যস্ত কৰে হিন্দু যুৱ ছাত্ৰ পৰিষদে। "ভাৰত মাতা কি জয়","অসম চুক্তিৰ ৫ নং দফা বাতিল কৰক" ইত্যাদি ধ্বনিৰে পৰিবেশ উত্তাল কৰি সংগঠনটোৱে দাহ কৰে অসম চুক্তিৰ চুক্তিৰ ৫ নং অনুচ্ছেদৰ প্ৰতিলিপি। অসম চুক্তিত উল্লেখ থকা বিদেশী বহিষ্কৰণৰ সময়সীমা ১৯৭১ চনৰ পৰিবৰ্তে ১৯৫১ চন কৰাৰ দাবীত সাব্যস্ত হয় এই প্ৰতিবাদ।

হিন্দু যুৱ ছাত্ৰ পৰিষদ গোলাঘাট জিলা সমিতিয়ে খুমটাই চাহ বাগিছাত এই প্ৰতিবাদ সাব্যস্ত কৰি কয় যে ভাৰতৰ প্ৰতিখন ৰাজ্যতে ১৯৫১ চন থকাৰ পিছতো অসম চুক্তিত কিয় অসমৰ বাবে ১৯৭১ চনটো ধৰি দিয়া হয়। অসম আন্দোলনত ৮৫৫ জন শ্বহীদ হোৱাৰ পিছতো এন আৰ চিৰ ভিত্তি বৰ্ষ হিচাপে ১৯৭১ চন ধাৰ্য্যৰে কাম কৰাৰ বিৰোধিতা কৰে প্ৰতিবাদকাৰীয়ে।