গোলাঘাট, 18 জুনঃ গোলাঘাট বেঙেনাখোৱা গাঁও পঞ্চায়তৰ সভানেত্ৰীয়ে বিৰেণ গগৈ নামৰ বিজেপি কর্মীৰ নাম লৈ প্ৰধানমন্ত্ৰী কৃষাণ যোজনাৰ আবেদন পত্ৰৰ নামত ২০ টকাকৈ জমা লোৱাৰ অভিযোগ তুলিছে স্থানীয় ৰাইজে ৷ কেৱল সেয়াই নহয় আবেদন পত্ৰ জমা কৰাৰ সময়তো আবেদনকাৰীয়ে দিব লগা হৈছে ১০ টকা ৷ এইদৰে এজনৰ পৰা ২০ টকা, আনজনৰ পৰা ৩০ টকাকৈ সংগ্ৰহ কৰি পঞ্চায়ত কৰ্মীয়ে দুর্নীতি চলোৱাৰ অভিযোগ তুলিছে সাধাৰণ ৰাইজে ৷
তাৰোপৰি কৃষক নহ'লেও যিকোনো লোকক প্ৰধানমন্ত্ৰী কৃষাণ যোজনাৰ হিতাধিকাৰী নিৰ্বাচিত কৰি ধন পোৱাত সহায় কৰাৰো অভিযোগ উঠিছে পঞ্চায়তকৰ্মীৰ বিৰুদ্ধে ৷ ভাড়াতীয়া লোক, শ্ৰমিক, ব্যৱসায়ী আদিয়ে কৃষাণ যোজনাৰ ধন লাভৰ বাবে আবেদন জনোৱাৰ লগতে পঞ্চায়তকৰ্মীক ধন জমা দিয়াৰ কথাও স্বীকাৰ কৰিছে স্থানীয় লোকে৷ কিন্তু স্থানীয় ৰাইজৰ ক্ষোভ চৰকাৰে প্ৰতিটো বিভাগৰ বাবে সুকীয়াকৈ আঁচনি ৰূপায়ণ কৰাৰ পিছতো কিয় কৃষকৰ আঁচনিত কৃষিকৰ্মৰ লগত জড়িত নথকা সকলক অন্তৰ্ভূক্ত কৰা হৈছে৷ শীঘ্ৰেই এই ঘটনাৰ তদন্ত কৰি পঞ্চায়তকৰ্মীৰ বিৰুদ্ধে উচিত তদন্ত কৰাৰ দাবী স্থানীয় ৰাইজৰ ৷
লগতে পঢ়কঃ বজাৰৰ নিবিদা প্ৰদানক লৈ বিশ্বনাথত উত্তপ্ত পৰিস্থিতি