গোলাঘাট,7 এপ্ৰিলঃ দেশজুৰি অব্যাহত থকা লক ডাউনৰ সময়ত অত্যাৱশ্যকীয় সামগ্ৰীৰ অভাৱত পৰিছে বিশেষকৈ দিন হাজিৰা কৰা তথা শ্ৰমজীৱি লোকসকল ৷ যাৰবাবে এতিয়া হাহাকাৰ কৰিবলগীয়া হৈছে দৰিদ্ৰ জনসাধাৰণে ৷ চৰকাৰৰ আহ্বানৰ প্ৰতি সঁহাৰি জনাই একাংশ দল-সংগঠন তথা ব্যক্তি বিশেষে পাৰ্যমানে ৰাইজক সহায় কৰিছে ৷
এই সংকটৰ সময়ত নিজ গাঁৱৰ ৰাইজৰ কাৰণে ওলাই আহিছে অলিম্পিক খেলৰ যোগ্যতা অৰ্জনকাৰী অসমৰ প্ৰথমগৰাকী মহিলা তথা গোলাঘাট বৰপথাৰৰ জীয়ৰী লাভলীনা বৰগোঁহাই ৷ পিতৃ আৰু পৰিয়ালৰ লোকৰ সৈতে একেলগে গাঁওবাসীলৈ খাদ্যসামগ্ৰী আগবঢ়াইছে লাভলীনাই ৷ ইফালে, লাভলীনাই খাটিখোৱা ৰাইজক যিয়ে যেনেদৰে পাৰে সহায় কৰিবলৈ আহ্বান জনোৱাৰ লগতে বাকী থকা লক ডাউনৰ দিনকেইটাও সকলোকে ঘৰৰ ভিতৰত থাকিবৰ বাবে আহ্বান জনাইছে ৷