গোলাঘাটত ঘৰে ঘৰে হুঁচৰি দল

বিহুৱা দলসমূহে গৃহস্থৰ ঘৰত একাঁজলি আৰ্শীবাদ দিয়াৰ উদ্দেশ্যে  মাৰিছে বিহু । গোলাঘাটতো কণ কণ শিশুসকলে কান্ধত ঢোল লৈ ঘৰে ঘৰে বিহু মাৰি উদযাপন কৰিছে ৰঙালী বিহু ।

গোলাঘাট,16 এপ্ৰিল: ঢোল-পেঁপাৰ মাতত ৰজন জনাইছে সমগ্ৰ ৰাজ্য । আজি বহাগৰ দ্বিতীয়টো দিন ৷ বহাগৰ দ্বিতীয় দিনটোতো ব্যাপক উচাহ-উদ্দীপনাৰে ৰঙালী বিহু উদযাপন কৰিছে ৰাজ্যবাসীয়ে । সমগ্ৰ ৰাজ্যৰ সমান্তৰালকৈ গোলাঘাটতো দেখা গৈছে ঘৰে ঘৰে হুঁচৰি মৰা দলৰ ভিৰ । বিহুৱা দলসমূহে গৃহস্থৰ ঘৰত একাঁজলি আৰ্শীবাদ দিয়াৰ উদ্দেশ্যে মাৰিছে বিহু । গোলাঘাটতো কণ কণ শিশুসকলে কান্ধত ঢোল লৈ ঘৰে ঘৰে বিহু মাৰি উদযাপন কৰিছে ৰঙালী বিহু ।