মূল্যবৃদ্ধিৰ বিৰুদ্ধে প্ৰতিবাদ অসম জাতীয়তাবাদী যুৱ ছাত্ৰ পৰিষদৰ

মূল্যবৃদ্ধিৰ বিৰুদ্ধে ৰাজ্য়ৰ সৰ্বত্ৰে সাব্যস্ত প্ৰতিবাদ ৷ গোলাঘাটত পেট্ৰ’ল-ডিজেলৰ মূল্যবৃদ্ধিৰ বিৰুদ্ধে প্ৰতিবাদ সাব্যস্ত কৰে অসম জাতীয়তাবাদী যুৱ ছাত্ৰ পৰিষদে ৷ দেশৰ প্ৰধানমন্ত্ৰীৰ লগতে কেন্দ্ৰীয় পেট্ৰ’লিয়াম মন্ত্ৰীৰ প্ৰতিকৃতি দাহেৰে সংগঠনটোৱে সাব্যস্ত কৰে এই প্ৰতিবাদ ৷

গোলাঘাট,30 জুন: শেহতীয়াকৈ কিছুদিনৰ ভিতৰতে পেট্ৰ’ল-ডিজেলৰ বৰ্ধিত মূল্য়ই জলা-কলা খুৱাইছে ৰাজ্যবাসীক ৷ বৰ্তমান এই বিষয়ক কেন্দ্ৰ কৰি ৰাজ্য়ৰ সৰ্বত্ৰে সাব্যস্ত হৈছে প্ৰতিবাদ । মঙলবাৰে গোলাঘাটত কেন্দ্ৰীয় পেট্ৰ’লিয়াম মন্ত্ৰী ধৰ্মেন্দ্ৰ প্ৰধান আৰু প্ৰধানমন্ত্ৰী নৰেন্দ্ৰ মোডীৰ প্ৰতিকৃতি দাহেৰে প্ৰতিবাদ সাব্যস্ত কৰে অসম জাতীয়তাবাদী যুৱ পৰিষদে ৷ প্ৰতিবাদী দলটোৱে চহৰখনৰ অগপ কাৰ্যালয়ৰ সমীপত সাব্যস্ত কৰে এই প্ৰতিবাদ । উক্ত সংগঠনটোৰ সদস্যসকলে নৰেন্দ্ৰ মোডী হাই হাই, ধৰ্মেন্দ্ৰ প্ৰধান মুৰ্দাবাদ, বিজেপি চৰকাৰ গ’বেক আদি বিভিন্ন শ্লোগানেৰে পৰিৱেশ উত্তাল কৰি তোলে ।

লগতে চাওকঃপথৰ দুৰৱস্থাই দুৰ্ভোগ ভোগাইছে কমলপুৰবাসীক