গোলাঘাট, 19 জুনঃ বৃহস্পতিবাৰে নিশা গোলাঘাটৰ শ্বহীদ কুশল কোঁৱৰ অসামৰিক চিকিৎসালয়ত সৃষ্টি হয় এক অভাৱনীয় পৰিস্থিতিৰ ৷ চিকিৎসালয়খনৰ প্ৰসূতি বিভাগত থকা একাংশ অভিভাৱকে বিচনাতে প্ৰসূতি আৰু সদ্যোজাত শিশুক এৰি বাহিৰত অৱস্থান কৰি প্ৰতিবাদমুখৰ হৈ পৰিল চিকিৎসালয় কৰ্তৃপক্ষৰ বিৰুদ্ধে ৷
তেওঁলোকৰ অভিযোগ গোলাঘাট নাৰ্চিং হোমৰ পৰা স্থানান্তৰ কৰা চিকিৎসাধীন প্ৰসূতিক, অসামৰিক চিকিৎসালয় খনৰ একেটা প্ৰসূতি কক্ষতে ৰখাৰ ব্যৱস্থা কৰিছে ৷ অভিভাৱক সকলৰ প্ৰতিবাদৰ পিচতহে আছুতীয়া কক্ষলৈ প্ৰেৰণ কৰে নাচিং হোমৰ পৰা অহা প্ৰসূতি সকলক ৷ এই ঘটনাক কেন্দ্ৰ কৰি নিশাই চিকিৎসালয়খনত আৰক্ষী মোতায়েন কৰা হয় ৷ উল্লেখ্য যে, গোলাঘাট নাৰ্চিং হোমত কৰ্তব্যৰত লেৱৰেটৰী টেকনিচিয়ান আৰু নাৰ্চৰ দেহত COVID-19ৰ অৱস্থিতি ধৰা পৰা নাৰ্চিং হোম খনৰ প্ৰসূতি আৰু সদ্যোজাত শিশুসকলক স্থানান্তৰৰ ব্যৱস্থা কৰা হৈছে ৷
লগতে পঢ়কঃকোভিড-19 ৰ নিয়মকলৈ কঠোৰ হ'ব কামৰূপ মহানগৰ জিলা প্ৰশাসন