গোলাঘাট, 19 জানুৱাৰীঃ পূৰ্ণ গতিত চলিছে শ্ৰীমন্ত শংকৰদেৱ সংঘৰ বাৰ্ষিক অধিবেশনৰ প্ৰস্তুতি ৷ উখল মাখল পৰিবেশে বিৰাজ কৰিছে গোলাঘাট জিলাৰ ডিহিঙীয়াৰ মহুৰাপথাৰ কাজিৰঙা সমন্বয় ক্ষেত্ৰত । ৰাজ্যৰ প্ৰায় সকলো প্ৰান্তৰ পৰা আহিব লগা ভকত-বৈষ্ণৱক আদৰিবৰ বাবে কোনো ক্ৰুটি নৰখাকৈ প্ৰচেষ্টা চলাইছে মহুৰাপথাৰবাসী ৰাইজে ৷ 2020 চনৰ ফেব্ৰুৱাৰী মাহৰ ৫ তাৰিখৰ পৰা জিলাখনৰ ডিহিঙীয়াৰ মহুৰাপথাৰ কাজিৰঙা সমন্বয় ক্ষেত্ৰত চাৰিদিনীয়াকৈ অনুষ্ঠিত হ’ব শ্ৰীমন্ত শংকৰদেৱ সংঘৰ 89 সংখ্যক অধিবেশন ৷
মুকলি কৰা হ’ল শ্ৰীমন্ত শংকৰদেৱ সংঘৰ অধিবেশনৰ শীৰ্ষ গীত দেওবাৰে অধিবেশনস্থলীত প্ৰতিষ্ঠা কৰা হ’ল নামঘৰৰ গুৰু আসন ৷ ৰাজ্যৰ বিভিন্ন প্ৰান্তৰ পৰা আহি সমবেত হোৱা শ্ৰীমন্ত শংকৰদেৱ সংঘৰ সদস্য তথা ভকত বৈষ্ণৱ সকলে আসন প্ৰতিষ্ঠাৰ সময়ত দিয়া জয় ধ্বনি , উৰুলিয়ে বৈকুণ্ঠ ধামলৈ পৰিণত কৰিলে কাজিৰঙা সমন্বয় ক্ষেত্ৰক ৷ উল্লেখযোগ্য যে, দেওবাৰে শ্ৰীমন্ত শঙ্কৰদেৱ সংঘৰ ৮৯ সংখ্যক অধিবেশনৰ শীৰ্ষগীতটি আনুষ্ঠানিক ভাৱে মুকলি কৰা হয় ৷ আচুৰ্য বৰপাত্ৰই কণ্ঠদান কৰা গীতটোত গোলাঘাট জিলাৰ সম্যক বৰ্ণনা দিয়াৰ লগতে ৰাজ্যৰ অন্য প্ৰান্তৰ পৰা আহিব লগা ভকত সকলৰ সুবিধাৰ্থে অধিবেশনস্থলী তথা অঞ্চলটোৰ সম্যক বৰ্ণনা দিয়াৰ চেষ্টা কৰা হৈছে বুলি জানিবলৈ দিয়ে আয়োজক সমিতিৰ সদস্যই ৷
লগতে পঢ়কঃ নিজ গৃহ জিলাত মন্ত্ৰী যোগেন মহনক ক'লা পতাকাৰে আদৰণি আছুৰ
