গোলাঘাট, 2 জুন : উন্নয়ন আৰু পৰিৱৰ্তন এই সংকল্পৰে অসমত পুনৰবাৰ ক্ষমতাত আহিল বিজেপি চৰকাৰ । বহু বছৰ ধৰি কংগ্ৰেছৰ দখলত থকা সৰুপথাৰ সমষ্টিও প্ৰথমবাৰ নিজৰ অধীনলৈ আনিবলৈ সক্ষম হ'ল বিজেপি দলে । কিন্তু উন্নয়ন আৰু পৰিৱৰ্তন এই দুটা সংকল্প ধূলিসাৎ কৰি সৰুপথাৰ সমষ্টিত পথ নিৰ্মাণৰ নামত দুৰ্নীতি সংঘটিত কৰাৰ অভিযোগ উত্থাপন হৈছে ।
বৰ্তমান সমষ্টিটোৰ মৰঙিত ঠিকাদাৰে পথ নিৰ্মাণত দুৰ্নীতি চলোৱাৰ অভিযোগ পোহৰলৈ আহিছে । নিৰ্মাণৰ ১৩ দিনতে বিধ্বস্ত হৈছে এটা পথ । যিসময়ত দুৰ্নীতিমুক্ত অসম নিৰ্মাণৰ সংকল্পৰে বিজেপি নেতৃত্বাধীন চৰকাৰে ৰাজ্যখনক আগুৱাই নিয়াৰ প্ৰতিশ্ৰুতি দিছে সেই সময়তে একাংশ বিজেপি যুৱ মৰ্চাৰ বিষয়ববীয়া, বিজেপিৰ পালি নেতাই সমষ্টিটোত চৰকাৰী ধন লুণ্ঠনৰ জাল পেলোৱাৰ অভিযোগ উত্থাপিত হৈছে ।
সৰুপথাৰত পথ নিৰ্মাণত দুৰ্নীতি সংঘটিত কৰাৰ অভিযোগ