গোলাঘাট, 27 মে':গোলাঘাটত পথ নিৰ্মাণত ব্যাপক অনিয়মৰ অভিযোগ উত্থাপন হৈছে । দুই বছৰ ধৰি জগত শইকীয়া নামৰ ঠিকাদাৰজনে নিৰ্মাণৰ কাম সম্পূৰ্ণ নকৰিলে গোলাঘাটৰ পংকা চাৰিআলিৰ ৩৯ নং ৰাষ্ট্ৰীয় ঘাইপথ সংযোগী দলং খনৰ ৷ ১ নং ৰংবং, বগামাটি, ৪ নং ৰংবং, কাৰ্বিআংলঙৰ লোকৰ বাবে পথটোৱে একমাত্ৰ যোগাযোগৰ মাধ্যম ৷ কিন্তু দীৰ্ঘদিন ধৰি পথটোত থকা দলং খন নিৰ্মাণত কাম সম্পূৰ্ণ নকৰাত এতিয়া হাহাকাৰ পৰিস্থিতিৰ সৃষ্টি হৈছে ৷
তাৰোপৰি কাষতে ঠিকাদাৰে সাধাৰণভাৱে এখন দলং নিৰ্মাণ কৰি দিছিল যদিও ঢলাজানৰ পানীয়ে খহাই নিছে অৰ্ধ নিৰ্মিত পথটো । যাৰ ফলত ৩৯ নং ৰাষ্ট্ৰীয় ঘাইপথৰ সৈতে যোগাযোগ বিচ্ছিন্ন হোৱাৰ দিশে আগবাঢ়িছে উক্ত অঞ্চলৰ ৰাইজ । অতি শীঘ্ৰে উক্ত পথটো যাতায়াতৰ বাবে উপযুক্ত কৰি দিবলৈ চৰকাৰ প্ৰশাসনৰ লগতে বিভাগীয় কৰ্তৃপক্ষক আহ্বান জনাইছে ৰাইজে ৷ লগতে উক্ত ঠিকাদাৰৰ বিৰুদ্ধে বিহিত ব্যৱস্থা গ্ৰহণ কৰিবলৈ আহ্বান জনাইছে স্থানীয় ৰাইজে ৷ এতিয়া পানীয়ে খহাই নি থকাত ৰাষ্ট্ৰীয় ঘাইপথৰ সৈতে সংযোগ বিচিন্ন হোৱাৰ আশংকা কৰিছে স্থানীয় ৰাইজে ৷
লগতে পঢ়ক-জলমগ্ন গোৱালপাৰা, কি কয় স্থানীয় ৰাইজে !