গোলাঘাট, 21 ফেব্ৰুৱাৰীঃ এটা বছৰ পাৰ হ'ল দেশজুৰি তোলপাৰ লগোৱা গোলাঘাটৰ সুৰা ট্ৰেজেডীৰ ৷ বিগত বছৰৰ ২১ ফেব্ৰুৱাৰীৰ আজিৰ দিনটোতে বিষাক্ত চুলাই মদে প্ৰাণ লৈছিল তিনিজন লোকৰ ৷ এই ঘটনা প্ৰথমে সংঘটিত হৈছিল শালমৰা চাহ বাগিছাত ৷ তাৰ পৰৱৰ্তী সময়ত ইটোৰ পিচত সিটোকৈ মৃত্যুৰ বিভীষিকাই ছানি ধৰিছিল শতাধিক লোকৰ জীৱনক ৷
শালমৰা চাহ বাগিছাৰ লগতে গোলাঘাট আৰু যোৰহাট জিলাতো বিষাক্ত চুলাই মদ সেৱন কৰি মৃত্যু হৈছিল প্ৰায় ডেৰ শতাধিকতকৈ অধিক লোকৰ ৷ এবছৰৰ পিচতো সেই ক'লা দিনটোৰ স্মৃতিয়ে শিহঁৰিত কৰি তোলে বাগিছাখনৰ ৰাইজক ৷ বাগিছাখনত বৰ্তমান সুৰা সেৱনৰ কিছু পৰিমাণে হ্ৰাস পাইছে যদিও,এতিয়াও গা লৰা নাই একাংশ শ্ৰমিকৰ ৷ সুৰা ট্ৰেজেডি ঘটনাৰ পুনৰাবৃত্তি হোৱাৰ আশংকাই শংকিত কৰি তুলিছে স্থানীয় লোকক ৷
লগতে পঢ়কঃ