ডিগবৈৰ হোলোংহাবি চাহ বাগিছাত পিঞ্জৰাবদ্ধ প্ৰকাণ্ড নাহৰফুটুকী

দীৰ্ঘদিনৰ পৰা ত্ৰাসৰ সৃষ্টি কৰি অহা এটা প্ৰকাণ্ড নাহৰফুটুকী পিঞ্জৰাবদ্ধ হয় শুকুৰবাৰে নিশা ৷ বিগত দুটা সপ্তাহত হোলোংহাবি চাহ বাগিছাত বন্ধী হ’ল দুটাকৈ নাহৰফুটুকী ৷

মাৰ্ঘেৰিটা, 23 নৱেম্বৰ:ডুমডুমা বনসংমণ্ডলৰ অধীনৰ হোলোংহাবি চাহ বাগিছাত পুনৰ পিঞ্জৰাবদ্ধ হ’ল এটা প্ৰকাণ্ড নাহৰফুটুকী ৷ বাগিছাখনৰ মাজত ডুমডুমা বন বিভাগে পাতিছিল পিঞ্জৰাটো ৷ সেই পিঞ্জৰাতে পুৱাই শ্ৰমিকে পিঞ্জৰাবদ্ধ অৱস্থাত নাহৰফুটুকীটো প্ৰত্যক্ষ কৰি বন বিভাগক খবৰ দিয়ে ৷

দীৰ্ঘদিন ধৰি অঞ্চলটোত সন্ত্ৰাসৰ সৃষ্টি কৰি আহিছিল এই নাহৰফুটুকীটোৱে । যোৱা এটা সপ্তাহ পূৰ্বেও আন এটা নাহৰফুটুকী পিঞ্জৰাবদ্ধ কৰা হৈছিল এই উক্ত অঞ্চলত ৷ স্থানীয় লোকৰ সন্দেহ বাগিছাখনত আৰু নাহৰফুটুকী লুকাই আছে ৷

লগতে চাওক-মৰিয়নীৰ বিধায়ক ৰূপজ্যোতি কুৰ্মীৰ অৱস্থান ধৰ্মঘট