মহিলাৰ কাপোৰ ফালি গ্ৰেপ্তাৰ বিজেপিৰ পালি নেতা !!

মহিলাৰ শ্লীলতা হানিৰ অভিযোগত গ্ৰেপ্তাৰ কৰা হৈছে গোলাঘাটৰ বিজেপি নেতা চন্দ্ৰ লহকৰক ৷

গোলাঘাট, 30 নৱেম্বৰ :এগৰাকী মহিলাক শ্লীলতা হানি আৰু ধন দাবীৰ অভিযোগত গোলাঘাটৰ ধনশিৰি মহকুমাৰ চুঙাজানৰ বিজেপি নেতা চন্দ্ৰ লহকৰক গ্ৰেপ্তাৰ কৰা হৈছে ৷ মহিলাগৰাকীয়ে চুঙাজান আৰক্ষী থানাত অভিযোগ কৰা অনুসৰি, তেওঁক পঞ্চাশ হেজাৰ টকা দাবী কৰাৰ লগতে অশালীন গালি-গালাজ দিয়ে আৰু কাপোৰ ফালি শ্লীলতা হানিৰ চেষ্টা কৰিছিল বিজেপিৰ নেতাগৰাকীয়ে ৷

আনহাতে, পলাতক অৱস্থাত থকা চন্দ্ৰ লহকৰক কাৰ্বি আংলং জিলাৰ বোকাজান আৰক্ষী থানাৰ সহযোগত গোলাঘাট আৰক্ষীয়ে গ্ৰেপ্তাৰ কৰি সোধা পোছা অব্যাহত ৰাখিছে ৷ জানিব পৰা মতে, বিজেপিৰ বহু নেতাৰ সৈতে চন্দ্ৰ লহকৰৰ আছে ঘনিষ্ঠ সম্পৰ্ক ৷

বৰ্তমান অভিযোগ উত্থাপন হৈছে যে, একাংশ মন্ত্ৰী, বিজেপি নেতা, উচ্চপদস্থ আৰক্ষী বিষয়াৰ লগত সু-সম্পৰ্ক থকা বুলি দম্ভালি মাৰি ফুৰা এইজন বিজেপি নেতাৰ বিৰুদ্ধে চুঙাজান আৰক্ষীয়ে পূৰ্বে কোনো ব্যৱস্থা গ্ৰহণ কৰা নাছিল ৷ আৰক্ষীয়ে বিষয়টো গুৰুত্ব সহকাৰে নোলোৱাত আৰক্ষী অধীক্ষকক অৱগত কৰাত ৩৪/২০১৯ নম্বৰত ভাৰতীয় দণ্ডবিধি আইনৰ ৪২০/৪০৬/১০৯/৩৮৭/৩৫৪(বি)/২৯৪/৩৪ ধাৰাত গোচৰ পঞ্জীয়ন কৰিবলৈ বাধ্য হয় । অৱশেষত গোলাঘাট আৰক্ষীয়ে গ্ৰেপ্তাৰ কৰে চন্দ্ৰ লহকৰক ।

আৰু পঢ়ক : ৰাজাপাকসাক আদৰণি জনালে প্ৰধানমন্ত্ৰী মোডী আৰু ৰাষ্ট্ৰপতি কোবিন্দে