পিতৃক হত্যা কৰি আৰক্ষী থানাত আত্মসমৰ্পণ কিশোৰৰ

পুত্ৰক স্কুললৈ যোৱাত বাধা,দুবাৰ কৈ ঘৰ জ্বলাই দিয়াৰ উপৰিও মাতৃৰ ওপৰত দৈনিক সুৰাপান কৰি মাকক মাৰপিত কৰাৰ বাবেই পিতৃক প্ৰথমে এখন পীৰাৰে মূৰত মৰিয়াই আৰু পাচত দাৰে মূৰত ঘপিয়াই হত্যা কৰে পিতৃক

গোলাঘাট,19 চেপ্তেম্বৰঃ গোলাঘাট ধনশিৰি মহকুমাৰ চুঙাজানত লোমহৰ্ষক হত্যাকাণ্ড ৷ পুত্ৰৰ হাতত প্ৰাণ গ'ল পিতৃৰ ৷ চুঙাজানৰ সোণালী পথাৰৰ নিবাসী জান্তো হাজৰিকাক হত্যা কৰিলে 13 বছৰীয়া পুত্ৰই ৷ পিতৃৰ অত্যাচাৰ সহ্য কৰিব নোৱাৰি হত্যা কৰা বুলি মন্তব্য অভিযুক্তৰ ৷ ঘটনা অনুসৰি পুত্ৰক স্কুললৈ যোৱাত বাধা দিয়া, দুবাৰ কৈ ঘৰ জ্বলাই দিয়াৰ উপৰিও দৈনিক সুৰাপান কৰি মাকক মাৰপিত কৰাৰ বাবেই পিতৃক প্ৰথমে এখন পীৰাৰে মূৰত মৰিয়াই আৰু পাচত দাৰে মূৰত ঘপিয়াই হত্যা কৰে ৷

তাৰ পাচতে,পিতৃৰ মৃতদেহ এখন বগা কাপোৰে ঘৰৰ চোতালত ঢাকি থৈ চুঙাজান আৰক্ষী থানাত আত্মসমৰ্পণ কৰে কিশোৰজনে ৷ পাচত ঘটনাস্থলীত চুঙাজান থানাৰ আৰক্ষী বিষয়া আৰু ধনশিৰি মহকুমাৰ সীমান্ত দণ্ডাধীশৰ উপস্থিত হৈ মৃত ব্যক্তিজনক মৰণোত্তৰ পৰীক্ষাৰ বাবে প্ৰেৰণ কৰে ৷