ভ্ৰাম্যমাণ পাকঘৰ লৈ বানাক্ৰান্তৰ কাষত বিধায়ক মৃণাল শইকীয়া

বানত ককবকাই থকা বন্যাৰ্তৰ কাষত বিধায়ক মৃণাল শইকীয়া ৷ খাদ্য সামগ্ৰী লৈ ভ্ৰাম্যমাণ পাকঘৰ উপস্থিত হ'ব বন্যাৰ্তৰ কাষত ।

গোলাঘাট, 13 জুলাই : গোলাঘাটত বানাক্ৰান্তৰ কাষত খুমটাই সমষ্টিৰ বিধায়ক মৃণাল শইকীয়া । বিগত বৰ্ষৰ দৰে এইবেলিও ভ্ৰাম্যমাণ পাকঘৰৰ জৰিয়তে বানাক্ৰান্তক আহাৰ যোগান ধৰাৰ এক প্ৰচেষ্টা গ্ৰহণ বিধায়কগৰাকীৰ ৷ বানত ককবকাই থকা বন্যাৰ্তৰ কাষত খাদ্য সম্ভাৰ লৈ উপস্থিত বিধায়কগৰাকী । দেৰগাঁৱত প্ৰস্তুত কৰা খাদ্য সামগ্ৰী লৈ ভ্ৰাম্যমাণ পাকঘৰ উপস্থিত হ'ব বন্যাৰ্তৰ কাষত । এইবাৰ ভ্ৰাম্যমাণ পাকঘৰৰ বাবে ব্যৱহাৰ কৰা বাহনখনত ব্যৱস্থা কৰা হৈছে বিভিন্ন সুবিধা ৷ প্ৰয়োজনত এম্বুলেঞ্চ, প্ৰয়োজনত উদ্ধাৰ অভিযানতো ব্যৱহাৰ কৰা হ'ব ভ্ৰাম্যমাণ পাকঘৰৰ বাহনখন । স্থায়ীভাৱে এইবাৰ নিৰ্মাণ কৰা হৈছে বাহনখন । ইপিনে বিধায়কগৰাকীৰ এনে প্ৰচেষ্টাক একেমুখে শলাগ লৈছে সকলোৱে ৷