গোলাঘাট, 7 ছেপ্তেম্বৰ: আগন্তুক বিধানসভা নিৰ্বাচনৰ দিন চমু চাপি অহাৰ লগে-লগে তৎপৰ হৈ পৰিছে প্ৰায় সকলো ৰাজনৈতিক দলৰে একাংশ ৰাজনৈতিক নেতা তথা পালিনেতা ৷ নিজৰ আসন অক্ষুণ্ণ ৰাখিবলৈ উঠি পৰি লাগিছে বৰ্তমানৰ বিধায়ক সকলো ৷ এই সময়ছোৱাতে বানে গঢ়কা অঞ্চল সমূহত তৎপৰতাৰে যাৱতীয় ব্যৱস্থা গ্ৰহণ কৰিছে খুমটাই সমষ্টিৰ বিধায়ক মৃনাল শইকীয়াই ৷
দেওবাৰে মুখ্যমন্ত্ৰীৰ বিশেষ আঁচনিৰ জৰিয়তে ব্ৰহ্মপুত্ৰৰ কাষৰীয়া পুলিকৰৈয়নী বনুৱাবস্তি আৰু শ'লমাৰি 2 নং গড়মৰাত দুটা সামূয়িক আশ্ৰয় গৃহ মুকলি কৰে বিধায়ক গৰাকীয়ে ৷ বানপানীৰ সময়ত যাতে অঞ্চলটোৰ নৈপৰীয়া ৰাইজে ওখ স্থান বিচাৰি হাহাকাৰ কৰিবলগিয়া নহয় তাৰবাবেই বানপানীয়ে ঢুকি নোপোৱা ঠাইত শৌচালয়, আৰু পানীৰ ব্যৱস্থা থকা দুটা সামূয়িক আশ্ৰয় গৃহ মুকলি কৰে বিধায়ক শইকীয়াই।
বানাক্ৰান্তৰ বাবে সামূয়িক আশ্ৰয় গৃহ মুকলি কৰিলে বিধায়ক মৃনাল শইকীয়াই