গোলাঘাট, 5 জুনঃ এটা সুস্থিৰ পৰিৱেশ থাকিলেহে জীয়াই থাকিব মানৱ সভ্যতা ৷ পৰিৱেশৰ প্ৰতি সজাগ হৈ মানুহে পৰিৱেশ সংৰক্ষণ কৰি পৃথিৱীক সুস্থিৰ কৰি ৰখাটোও অন্য এক দায়িত্ব ৷ কিয়নো পৰিৱেশৰ ভাৰসাম্য নোহোৱাৰ ফলতেই বিশ্বত খাদ্য সংকট, প্ৰদূষণ আদি ভিন্ন কাৰণত মৃত্যুক সাৱটি লয় হাজাৰ হাজাৰ লোকে ৷
শুকুৰবাৰে বিশ্ব পৰিৱেশ দিৱসৰ দিনটোত গছপুলি ৰোপণ কৰি এই দিৱস পালন কৰিলে বিধায়ক মৃণাল শইকীয়াই ৷ পুৱাই স্থানীয় লোকসকলক লৈ বিধায়ক গৰাকীয়ে খুমটাই যোগীবাৰী গ্ৰাম্য পৰ্যটন ক্ষেত্ৰত বহু মূল্যৱান গছপুলি ৰোপণ কৰাৰ লগতে, লক ডাউনৰ ফলত বন্ধ হৈ পৰা পৰ্যটন ক্ষেত্ৰখন পৰিস্কাৰো কৰে ৷ বিশ্ব পৰিৱেশ দিৱসত বিধায়ক গৰাকীয়ে সকলোকে উদ্দেশ্যি পৰিবেশ ৰক্ষা কৰিবলৈ গছ কটা বন্ধ কৰাৰ লগতে এজোপাকৈ হ'লেও গছপুলি ৰোপণ কৰিবলৈ আহ্বান জনায় ৷
লগতে পঢ়কঃবিশ্ব পৰিবেশ দিৱস : এইবৰ্ষৰ বিষয়বস্তু "TIME OF NATURE" !
