ৰাজনৈতিক দায়িত্ব এৰি ক্ষণিকৰ বাবে মাতৃৰ কাষত মন্ত্ৰী ৰণোজ পেগু

শুকুৰবাৰে বিশেষ ছুটী ব্যৱহাৰ কৰি নিজ গৃহত উপস্থিত হ’ল শিক্ষামন্ত্ৰী ডাঃ ৰণোজ পেগু (minister Dr Ranoj Pegu spent quality time with mother) ৷ মুখ্যমন্ত্ৰীক চৰকাৰী বিষয়া-কৰ্মচাৰীৰ বাবে নিৰ্ধাৰণ কৰি দিয়া দুদিনীয়া বিশেষ ছুটীৰ বাবে ধন্যবাদ জ্ঞাপন (Ranoj Pegu thanked to Assam govt to gives employees two days special leave) কৰে মন্ত্ৰীগৰাকীয়ে ৷ তদুপৰি টেট পৰীক্ষা সন্দৰ্ভতো গুৰুত্বপূৰ্ণ মন্তব্য কৰে শিক্ষামন্ত্ৰী গৰাকীয়ে ৷

বোকাখাত, 9 জানুৱাৰী :বছৰটোৰ পহিলা মাহতে ৰাজ্যৰ মুখ্যমন্ত্ৰী ড৹ হিমন্ত বিশ্ব শৰ্মাই চৰকাৰী কৰ্মচাৰীলৈ প্ৰদান কৰিলে এক বিশেষ উপহাৰ ৷ এই উপহাৰস্বৰূপে মুখ্যমন্ত্ৰীগৰাকীয়ে পোন প্ৰথমবাৰৰ বাবে ৰূপায়ণ কৰিছে এক অভিনৱ আঁচনি ৷

এই আঁচনিমৰ্মে মাক-দেউতাক তথা পৰিয়ালৰ সৈতে সময় কটাবলৈ 8 আৰু 9 জানুৱাৰীত চৰকাৰী কৰ্মচাৰীয়ে পাব বিশেষ ছুটী ৷ শুকুৰবাৰে নিশা অসম চৰকাৰে চৰকাৰী বিষয়া-কৰ্মচাৰীৰ বাবে নিৰ্ধাৰণ কৰি দিয়া দুদিনীয়া ছুটীৰ ব্যৱহাৰ কৰি শিক্ষামন্ত্ৰী ডাঃ ৰণোজ পেগু (Education Minister Dr Ranoj Pegu) নিজ গৃহত উপস্থিত হয় ৷

বোকাখাতৰ গৃহত অকলশৰে থকা মাতৃৰ লগত শনিবাৰৰ দিনটো কটালে মন্ত্ৰীগৰাকীয়ে (Ranoj Pegu at Bokakhat) ৷ নিজ গৃহত উপস্থিত হৈ অসম চৰকাৰে চৰকাৰী কৰ্মচাৰীক পৰিয়ালৰ লোকৰ লগত সময় কটাবলৈ ছুটী প্ৰদান কৰাৰ বাবে মুখ্যমন্ত্ৰী ড৹ হিমন্ত বিশ্ব শৰ্মাক প্ৰশংসা কৰি পঞ্চমুখ হৈ পৰে শিক্ষা মন্ত্ৰীগৰাকী ৷

আনহাতে, অনাগত দিনত শিক্ষকৰ চাকৰিৰ বাবে নিকা পদ্ধতিৰে টেট পৰীক্ষা অনুষ্ঠিত কৰাৰ কথা ঘোষণা কৰে ৰাজ্যৰ শিক্ষামন্ত্ৰীগৰাকীয়ে । আগন্তুক দিনত অনুষ্ঠিত হ'বলগীয়া বিশেষ টেট পৰীক্ষা যথেষ্ঠ কঠোৰভাৱে অনুষ্ঠিত কৰা হ'ব ৷

তাৰ বাবে ছাত্ৰ-ছাত্ৰীসকলক কঠোৰ অনুশীলন কৰিবলৈ আহ্বান জনাই শিক্ষামন্ত্ৰীগৰাকীয়ে ৷ এতিয়াৰে পৰা মেধা ভিত্তিতহে শিক্ষকৰ চাকৰি লাভ কৰিব বুলিও উল্লেখ কৰে শিক্ষামন্ত্ৰীগৰাকীয়ে ৷ লগতে শিক্ষামন্ত্ৰীগৰাকীয়ে কয় যে, এতিয়াৰে পৰা টেট পৰীক্ষাত উত্তীৰ্ণ হ'লেও চাকৰি নাপায় ৷

কিয়নো নম্বৰৰ ভিত্তিতহে চাকৰি লাভ কৰিবলৈ সক্ষম হ'ব টেট উত্তীৰ্ণ প্ৰাৰ্থীয়ে ৷ ৰাজ্যত সমান্তৰালভাৱে বাঢ়ি অহা কৰ’ণা সংক্ৰমণৰ বাবে ছাত্ৰ-ছাত্ৰীৰ স্বাস্থ্যৰ প্ৰতি লক্ষ্য ৰাখি ৰাজ্যৰ শিক্ষানুষ্ঠানসমূহ আংশিকভাৱে বন্ধ ঘোষণা কৰা হৈছে ৷

কিন্তু নৱম, দশম আৰু একাদশ শ্ৰেণীৰ পাঠদান এদিন এৰি এদিন অফলাইন আৰু অনলাইনত পদ্ধতিত চলিব বুলি প্ৰকাশ কৰে শিক্ষা মন্ত্ৰী পেগুৱে ৷

লগতে পঢ়ক :বিজেপি কাৰ্যকৰ্তাৰ পিএছঅ' প্ৰত্যাহাৰৰ বাবে মুখ্যমন্ত্রীৰ প্ৰতি আবেদন ভৱেশ কলিতাৰ