লকডাউনৰ মাজতো ৰাজ্যত অব্যাহত হস্তী-মানৱৰ সংঘাত

হাতী খেদিবলৈ নিশা বিনিদ্ৰ ৰজনী কটাবলগীয়া হৈছে নুমলীগড়ৰ বাগান অঞ্চলৰ ৰাইজে ৷ বন বিভাগে গুৰুত্ব নিদিয়াৰ অভিযোগ ৷

গোলাঘাট, 19 মে‘: গোলাঘাটৰ নুমলীগড়ত বৃদ্ধি পাইছে হাতী-মানুহৰ সংঘাতৰ ঘটনা ৷ বিগত কিছুদিন ধৰি নুমলীগড় চাহ বাগিচাৰ বিভিন্ন স্থানত অৱস্থান কৰিছে কাৰ্বি পাহাৰৰ পৰা খাদ্যৰ সন্ধানত জনাঞ্চললৈ নামি অহা পোৱালি সহ এটা 40-50 জনীয়া বৃহৎ বন্যহস্তীৰ জাকে ৷ দিনৰ ভাগত কাষৰে বনাঞ্চল সমূহত অৱস্থান কৰি থকা হাতীৰ জাকে নিশা হলে বাগানৰ লাইন সমূহলৈ ওলাই আহে ৷ যাৰ ফলত আতংকিত হৈ পৰিছে অঞ্চলটোৰ ৰাইজ ৷ এতিয়া হাতী খেদিবলৈ নিশা বিনিদ্ৰ ৰজনী কটাবলগীয়া হৈছে অঞ্চলটোৰ ৰাইজে ৷

এই সন্দৰ্ভত স্থানীয় ৰাইজে বাৰাম্বাৰ বন বিভাগত অৱগত কৰি অহাৰ পাছতো বন বিভাগৰ ফালৰ পৰা কোনেো সুফল নোপোৱাৰ অভিযোগ উত্থাপন কৰিছে স্থানীয় ৰাইজে ৷

লগতে পঢ়ক : কৰ'ণাত আক্ৰান্তৰ সংখ্যা বৃদ্ধিক কেন্দ্ৰ কৰি ফাঁচী বজাৰত আতংক