গোলাঘাট, 7 এপ্ৰিল : মনত অদম্য হেঁপাহ থাকিলে যিকোনো অসম্ভৱ কামো যে সম্ভৱ কৰি তুলিব পাৰি তাৰেই এক জলন্ত উদাহৰণ দেখিবলৈ পোৱা গ'ল গোলাঘাট জিলাৰ সৰুপথাৰৰ ধুপগুৰিত ৷ গোলাঘাট জিলাৰ সৰুপথাৰ টি ভি এচ ডিলাৰৰ পৰা খুচুৰা পইচাৰে এজন ব্যক্তিয়ে ঘৰলৈ আনিলে সপোনৰ স্কুটিখন (Golaghat man buys scooter with coins) ৷ মাত্ৰ এটকা দুটকাকৈ সঞ্চয় কৰি ব্যক্তিজনে পূৰণ কৰিলে তেওঁৰ পৰিয়ালৰ সপোন (Golaghat man bought scooter for his family)৷
খুচুৰা পইছাৰে কিনিলে সপোনৰ স্কুটি
সৰুপথাৰ নগৰৰ মাজমজিয়াত অৱস্থিত শৰ্মা টি ভি এচ এন্টাৰপ্ৰাইজ ডিলাৰত ধুপগুৰি মোগাপাৰা অঞ্চলৰ দেৱেশ্বৰ দৈমাৰী নামৰ এজন ব্যক্তিয়ে খুচুৰা পইচাৰে ক্ৰয় কৰে এখন জুপিতাৰ স্কুটি ৷ প্ৰায় ষোল্ল হাজাৰ সাতশ ত্ৰিশ টকা খুচুৰা পইছাৰে গ্ৰাহকজনে ক্ৰয় কৰিলে স্কুটি । পইচাখিনিত আছিল পাঁচ টকীয়া, ২ টকীয়া আৰু ১ টকীয়া মুদ্ৰা ৷