সৰুপথাৰ,১ জুন: পুনৰ অসমলৈ গৌৰৱ কঢ়িয়াই আনিলে বক্সাৰ লাভলীনা বৰগোঁহাইয়ে ৷ ডুবাইৰ এছিয়ান বক্সিং চেম্পিয়নশ্বিপত ব্ৰঞ্জৰ পদক অৰ্জন কৰিলে অসম কন্যা গৰাকীয়ে । লাভলীনাৰ সাফল্যক লৈ আনন্দিত হৈ পৰিছে গোলাঘাটৰ ধনশিৰি মহকুমাৰ বৰপথাৰ বাৰমুখীয়াৰ ৰাইজৰ লগতে সমগ্ৰ অসমবাসী ।
৬৯ কিল’গ্ৰাম ৱেলটাৰৱেট শাখাত চমকপ্ৰদ প্ৰদৰ্শনেৰে ব্ৰঞ্জৰ পদক লাভ কৰিবলৈ সক্ষম হয় লাভলীনাই । পদক লাভৰ পিছতে বক্সাৰগৰাকীক স্থানীয় বিভিন্ন দল-সংগঠনৰ লগতে জন প্ৰতিনিধিয়ে অভিনন্দন জনায় ।
এছিয়ান বক্সিং চেম্পিয়নশ্বিপত ব্ৰঞ্জৰ পদক লাভ লাভলীনা বৰগোঁহাইৰ স্থানীয় বিধায়ক বিশ্বজিৎ ফুকন, ধনশিৰি মহকুমা সাংবাদিক সংস্থা, বৰপথাৰ প্ৰেছ ক্লাব, ধনশিৰি মহকুমা ছাত্ৰ সন্থা, ধনশিৰি মহকুমা চুতীয়া ছাত্ৰ সন্থা, ধনশিৰি মহকুমা ছাত্ৰ মুক্তি সংগ্ৰাম সমিতিৰ লগতে অন্য বহু দল-সংগঠনে লাভলীনাক শুভেচ্ছা জনাইছে । ভৱিষ্যতে লাভলীনাই এনেদৰে ক্ৰীড়া ক্ষেত্ৰখনত সুনাম অৰ্জন কৰি অসমবাসীৰ লগতে ভাৰতবাসীক গৌৰৱান্বিত কৰি যাব বুলি আশা প্ৰকাশ কৰে সকলোৱে ।
লগতে পঢ়ক: চাৰিদুৱাৰ আৰক্ষীৰ জালত দুই ড্ৰাগছ সৰবৰাহকাৰী
