দেওপাহাৰত নাহৰফুটুকীৰ অৰ্ধগলিত মৃতদেহ উদ্ধাৰ

শনিবাৰে আবেলি ভাগত খৰি কাটিবলৈ গৈ এজন স্থানীয় লোকে প্ৰত্যক্ষ কৰে অৰ্ধগলিত নাহৰফুটুকী বাঘটোৰ মৃতদেহটো।  দুটা বাঘৰ কাজিয়াৰ ফলতেই বাঘটোৰ মৃত্যু হোৱা বুলি সন্দেহ প্ৰকাশ ৷

গোলাঘাট,30 মাৰ্চঃগোলাঘাটৰ নুমলীগড়ৰ দেওপাহাৰৰ কাষত এটা অৰ্ধ গলিত নাহৰফুটুকীৰ মৃতদেহ উদ্ধাৰ ৷ শনিবাৰে আবেলি খৰি কাটিবলৈ গৈ এজন খৰিকটীয়াই প্ৰত্যক্ষ কৰে মৃতদেহটো ৷

ইয়াৰ পিচতে লোকজনে নুমলীগড় খণ্ড বন বিষয়াৰ কাৰ্যালয়ত খবৰ দিয়ে । খবৰ দিয়াৰ পাচতে ঘটনাস্থলীত উপস্থিত হৈ উদ্ধাৰ কৰে অৰ্ধগলিত মৃত দেহটো । দুটা বাঘৰ কাজিয়াৰ ফলতেই বাঘটোৰ মৃত্যু হোৱা বুলি সন্দেহ প্ৰকাশ কৰিলেও অনুসন্ধানৰ পাচতহে প্ৰকৃত কাৰণ জানিব পৰা যাব বুলি প্ৰকাশ কৰিছে বন বিভাগে ৷ আনহাতে মৰণোত্তৰ পৰীক্ষাৰ অন্তত নুমলীগড় বন বিষয়াৰ কাৰ্যালয়ৰ চৌহদতনাহৰফুটুকীৰ মৃতদেহটো দাহ কৰা হয় ।