৩নং ভোলাগুৰী সংযোগী শংকৰ বিলৰ দলং উদ্ধোধন বিধায়ক মৃনাল শইকীয়াৰ

বিগত বছৰ ৪ আগষ্টত নিপকু জলবিদ্যুৎ প্ৰকল্পৰ দ্বাৰা এৰি দিয়া পানীৰ ফলত ধনশিৰি নদীৰ বাঢ়নি পানীয়ে শংকৰ বিলৰ ওপৰত থকা দলংখন ভাঙি উটুৱাই নিয়াৰ ফলত ভোলাগুৰী বাসীয়ে পুনৰ এবছৰৰ ভিতৰতে লাভ কৰিলে শংকৰ বিলৰ ওপৰত আন এখন দলং।

খুমটাই, 30 অক্টোবৰ: বুধবাৰে খুমটাইৰ বিধায়ক মৃনাল শইকীয়াই পুনৰবাৰ উদ্বোধন কৰিলে বিগত বছৰ বানে উটুৱাই নিয়া ৩নং ভোলাগুৰী সংযোগী শংকৰ বিলৰ ওপৰৰ কাঠৰ দলং। বিগত বছৰৰ ৪ আগষ্টত নিপকু জলবিদ্যুৎ প্ৰকল্পৰ দ্বাৰা এৰি দিয়া পানীৰ ফলত ধনশিৰি নদীৰ বাঢ়নি পানীয়ে শংকৰ বিলৰ ওপৰত থকা দলংখন ভাঙি উটুৱাই নিয়াৰ ফলত ভোলাগুৰী বাসীয়ে পুনৰ এবছৰৰ ভিতৰতে লাভ কৰিলে শংকৰ বিলৰ ওপৰত আন এখন দলং। উক্ত দলংখনৰ উদ্বোধনৰ পিচত ৩নং ভোলাগুৰী বাসীৰ উপৰিও আখৈফুটিয়া, বৰদলৈ চুক, কুমাৰ গাঁও, ঢুলীয়া গা‍ঁও, সাৰৰ গাঁৱৰ প্ৰায় 500 পৰিয়ালৰ যাতায়ত সুচল হৈ পৰিব।