গোলাঘাটত ভাৰতীয় মজদুৰ সংঘৰ গোলাঘাট জিলা সমিতিৰ প্ৰতিবাদ

মূল্যবৃদ্ধিৰ বিৰুদ্ধে গোলাঘাটত ভাৰতীয় মজদুৰ সংঘ গোলাঘাট জিলা সমিতিৰ প্ৰতিবাদ । জিলা উপায়ুক্তক এখনি স্মাৰক পত্ৰ প্ৰদান কৰে প্ৰতিবাদকাৰীসকলে ।

গোলাঘাট, 9 ছেপ্টেম্বৰ :গোলাঘাটত ভাৰতীয় মজদুৰ সংঘ গোলাঘাট জিলা সমিতিৰ প্ৰতিবাদ । মূল্যবৃদ্ধিৰ বিৰুদ্ধে জিলা উপায়ুক্ত কাৰ্যলয়ৰ সমীপত এক প্ৰতিবাদী কাৰ্যসূচী ৰূপায়ন কৰে ভাৰতীয় মজদুৰ সংঘই । প্ৰতিবাদকাৰী সকলে অত্যাৱশ্যকীয় সামগ্ৰী মূল্য বৃদ্ধি ৰোধ কৰক, সুলভ মূল্যত কৃষকক সাৰ যোগান ধৰক, পেট্ৰ’ল-ডিজেল আৰু ৰন্ধন গেছৰ মূল্য হ্ৰাস কৰক, অসম চৰকাৰৰ গ'বেক, কেন্দ্ৰীয় চৰকাৰ হুচিয়াৰ আদি ধ্বনিৰে উত্তাল প্ৰতিবাদ সাব্যস্ত কৰে ।

প্ৰথমে গোলাঘাটৰ সমন্বয় খেল পথাৰ পৰা এক প্ৰতিবাদী সমদলেৰে উপায়ুক্ত কাৰ্যলয় সমীপত উপস্থিত হৈ জিলা উপায়ুক্তক এখনি স্মাৰক পত্ৰ প্ৰদান কৰে প্ৰতিবাদকাৰীসকলে । উক্ত কাৰ্যসূচীত ভাৰতীয় মজদুৰ সংঘৰ গোলাঘাট শাখাৰ সভাপতি নাৰায়ণ মাহাৰ, সম্পাদক মুকেশ জাল আৰু সংগঠনটোৰ বিষয়-ববীয়া সকলে অংশগ্ৰহণ কৰে ।

কাৰ্যসূচীৰ আৰম্ভণিতে যোৰহাট নিমাতীঘাটৰ শোকাৱহ ফেৰী দুৰ্ঘটনাত মৃত্যুৰ হোৱা লোকৰ আত্মাৰ শান্তি বাবে মৌনৰ প্ৰাৰ্থনাৰে শোক সন্তপ পৰিয়াললৈ সমবেদনা জ্ঞাপন কৰে প্ৰতিবাদকাৰী সকলে ।

উল্লেখ্য় যে, সা-সামগ্ৰীৰ মূল্যবৃদ্ধি ৰোধৰ বাবে দল-সংগঠন সমূহে বিভিন্ন সময়ত প্ৰতিবাদ সাব্যস্ত কৰাৰ লগতে চৰকাৰক দাবী জনাই আহিছে বিহিত ব্যৱস্থা গ্ৰহণৰ বাবে ৷ কিন্তু বৰ্তমানেও মূল্যবৃদ্ধি নিয়ন্ত্ৰণৰ ক্ষেত্ৰত ব্যৰ্থ হৈছে চৰকাৰ ৷ যাৰ ফল ভোগ কৰিবলগীয়া হৈছে সাধাৰণ জনতাই ৷ এফালে মূল্যবৃদ্ধি আনফালে জনতাৰ আৰ্থিক সংকট ৷ যাৰ বাবে এতিয়া জীৱন-জীৱিকাত সমস্যাই জৰ্জৰিত কৰি তুলিছে ৰাইজক ৷

লগতে পঢ়ক :ভুক্তভোগী যাত্ৰীৰ মুখেৰে শুনক নিমাতীঘাট নাও দুৰ্ঘটনাৰ বিশদ বৰ্ণনা