গোলাঘাট, 30 মে’: সমগ্ৰ বিশ্ব ক’ৰণাৰ ভয়াৱহতাত ত্ৰস্তমান যাৰ বাবে স্তব্ধ হৈ পৰিছে জনজীৱন । কিন্তু তাৰ মাজতে ৰাজ্যত চলি আছে বিভিন্ন অবৈধ ব্যৱসায় । গোলাঘাট জিলাৰ নুমলীগড়ৰ ভিন্ন অঞ্চলতো সংঘটিত হৈছে এই অপৰাধজনিত ঘটনা । সান্ধ্য আইনৰ সময়ত নুমলীগড়ৰ বগীজানৰ পৰা দৈনিক পাৰ হৈছে অবৈধ কাঠভৰ্তি বাহন ।
উল্লেখযোগ্য যে, দেওবাৰে পুৱা এখন অবৈধ নাম্বাৰ বিহীন কাঠ ভৰ্তি বলেৰ’ পিক আপ ট্ৰাক জব্দ কৰে স্থানীয় ৰাইজ আৰু গাঁওৰক্ষী বাহিনীয়ে । গাঁওৰক্ষী বাহিনী আৰু স্থানীয় ৰাইজে খেদি খেদি জব্দ কৰে বাহনখন । প্ৰায় ডেৰ লাখ টকাৰ অবৈধ কাঠ আছিল গাড়ী খনত । দীৰ্ঘদিন ধৰি কাৰ্বি আংলঙৰ পৰা মুৰফুলনী হৈ সৰবৰাহ হৈ আছিল অবৈধ কাঠ । গাড়ী খনৰ চালক হেণ্ডিমেনৰ স্বীকাৰোক্তি ভিত্তিত কাঠ সমূহ দেৱজিত গগৈৰ বুলি জানিব পৰা গৈছে ।
গোলাঘাটৰ মুৰফুলনীত গাঁওৰক্ষী বাহিনী আৰু স্থানীয় ৰাইজে জব্দ কৰিলে অবৈধ কাঠ