ধনশিৰি,26 মাৰ্চঃ ধনশিৰি মহকুমাৰ নাৰহবাৰী মজলীয়া বিদ্যালয়ৰ প্ৰাংগনত সৰুপথাৰ খণ্ড প্ৰাথমিক আৰু জিলা স্বাস্থ্য সমিতিয়ে অনুষ্ঠিত কৰে বিশাল স্বাস্থ্য মেলা ৷ স্বাস্থ্য মেলাখনি উদ্ধোধন কৰে গোলাঘাট জিলা স্বাস্থ্য সঞ্চালক ৰাতুল বৰদলৈয়ে।
এই মেলাত বিভিন্ন বেমাৰৰ বিষয়ে ৰাইজক সজাগতা বৃদ্ধি কৰিবৰ বাবে সজাগতা শিবিৰ মুকলি কৰে । বিভিন্ন বেমাৰ সমূহৰ চিকিৎসা কৰিবৰ বাবে স্ত্ৰীৰোগ বিশেষজ্ঞ, চকু, দাঁত , কাণৰ বিশেষজ্ঞ আৰু বিনামূলীয়াকৈ তেজ পৰীক্ষাৰো এই স্বাস্থ্য মেলাতেই ব্যৱস্থা কৰিছে বুলি জিলা স্বাস্থ্য সঞ্চালক গৰাকীয়ে জানিবলৈ দিয়ে আৰু এই সজাগতা সভা, বিনামূলীয়া চিকিৎসা প্ৰদানৰ জৰিয়তে ৰাইজ উপকৃত হব বুলি সঞ্চালনা গৰাকীয়ে অৱগত কৰে । এই বিনামূলীয়া শিবিৰলৈ বহু ৰাইজ তথা ছাত্ৰ ছাত্ৰীৰ উপস্থিত হোৱা পৰিলক্ষিত হৈছে ৷
