মহিলা আৰক্ষী ধৰ্ষণ কাণ্ড: অভিযুক্ত চিডিআইক গ্ৰেপ্তাৰৰ দাবী

2 অক্টোবৰত গোলাঘাটৰ দেৰগাঁও আৰক্ষী প্ৰশিক্ষণ মহাবিদ্যালয়ত মহিলা আৰক্ষী বিষয়াক মহাবিদ্যালয়খনৰ চিডিআই বচন সিঙে উপৰ্যুপৰি ধৰ্ষণ কৰাৰ অভিযোগ ৷ অভিযুক্ত সিঙক শাস্তিৰ দাবী জনাইছে মহিলা আৰক্ষী গৰাকীয়ে ৷

গোলাঘাট,15 অক্টোবৰ: অৱশেষত অসম আৰক্ষীক কলুষিত কৰা অভিযুক্ত আৰক্ষী বিষয়া বচন সিঙৰ বিৰুদ্ধে মুখ খুলিলে ধৰ্ষিতা মহিলা আৰক্ষীয়ে ।

গোলাঘাটৰ দেৰগাঁও আৰক্ষী প্ৰশিক্ষণ মহাবিদ্যালয়ত 2 অক্টোবৰত সংঘটিত হৈছিল জঘন্য অপৰাধ কাণ্ড । ঘটনা অনুসৰি,আৰক্ষী প্ৰশিক্ষণ মহাবিদ্যালয়ৰ চিডিআই বচন সিঙে আৰক্ষীৰ প্ৰশিক্ষণ লৈ থকা এগৰাকী মহিলা আৰক্ষীক কাৰ্যালয়ৰ নিজ কোঠালৈ মাতি নি উপৰ্যুপৰি ধৰ্ষণ কৰিছিল । বিবাহিতা ধৰ্ষিতা মহিলা আৰক্ষী গৰাকীয়ে অসুস্থ শৰীৰেৰে স্বামীগৃহ গুৱাহাটী পাইছিল ৷

সম্প্ৰতি ন্যায় বিচাৰি আৰক্ষীৰ কাষত ঠিয় হৈছে মহিলা আৰক্ষী গৰাকী ৷ অভিযুক্ত আৰক্ষী বিষয়া বচন সিঙক মৃত্যুদণ্ড দি ন্যায় বিচাৰিছে ধৰ্ষিতা মহিলা আৰক্ষী গৰাকীয়ে । ঘটনা সন্দৰ্ভত বৰ্তমান তদন্ত অব্যাহত ৰাখিছে গোলাঘাট আৰক্ষীয়ে ।

লগতে পঢ়ক:কলগাছিয়াৰ আবুল কালাম আজাদৰ মৃতদেহ উদ্ধাৰত ৰহস্যৰ গোন্ধ