গোলাঘাট,10 ফোব্ৰুৱাৰীঃগোলাঘাটত অব্যাহত আছে হাতী মানুহৰ সংঘাত। গোলাঘাটৰ মুৰফুলনী অঞ্চলত বন্য হস্তীৰ উপদ্ৰৱত দিশহাৰা ৰাইজ ৷ বন্যহস্তীয়ে কেইবাটাও বাসগৃহ ভাঙি লণ্ড ভণ্ড কৰাৰ লগতে সন্ত্ৰাসৰ সৃষ্টি কৰিছে অঞ্চলটোত । হাতীৰ জাকৰ পৰা ফাটি অহা এটা বন্য হস্তীয়ে ভাঙি লণ্ডভণ্ড কৰে ডিম্বেশ্বৰ বৰা নামৰ লোকজনৰ ঘৰৰ এখন গাড়ী,এখন স্কুটি আৰু ভঁৰাল ঘৰ।
গোলাঘাটত বন্যহস্তীৰ সন্ত্ৰাসত দিশহাৰা গঞা উল্লেখ্য যে, গোলাঘাটত বন্যহস্তীৰ সন্ত্ৰাস নতুন কথা নহয়, দীর্ঘদিন ধৰি অঞ্চলটোত অব্যাহত আছে বন্যহস্তীৰ উপদ্ৰৱ। দেওবাৰে নিশা হাতীৰ আক্ৰমণৰ পৰা কথমপি প্ৰাণ ৰক্ষা পৰে পৰিয়ালটোৰ। ইফালে বহুদিন ধৰি অঞ্চলটোত হাতীয়ে উপদ্ৰৱ চলাই অহাৰ কথা বন বিভাগক খবৰ দিয়া পাচতো উপস্থিত নাই হোৱা বন বিভাগৰ লোক। বন বিভাগৰ ওপৰত ক্ষোভ উজাৰে ৰাইজে ৷ ধাৰাবাহিকভাৱে সন্ত্ৰাস চলাই আহিছে গোলাঘাটৰ বিভিন্ন অঞ্চলত ৷
লগতে চাওকঃগুৱাহাটীত সপ্তমবাৰৰ বাবে সমকামী সকলৰ শোভাযাত্ৰা
