সুশান্ত বিশ্ব শৰ্মা অসম ভলীবল সন্থাৰ নতুন সভাপতি

প্ৰথম অৱস্থাত সভাপতিৰ পদৰ বাবে নাম প্ৰস্তাৱ হৈছিল সাংসদ তপন গগৈ আৰু সুশান্ত বিশ্ব শৰ্মাৰ নাম । কিন্তু পৰৱৰ্তী সময়ত সাংসদ তপন গগৈয়ে তেওঁৰ নিজৰ নাম প্ৰত্যাহাৰ কৰাত সুশান্ত বিশ্ব শৰ্মা বিনা প্ৰতিদ্বন্দিতাৰে নিৰ্বাচিত হয় ৷

গোলাঘাট, 3 অক্টোবৰঃঅসম ভলীবল সন্থাৰ পৰৱৰ্তী সভাপতি হিচাপে নিৰ্বাচিত সুশান্ত বিশ্ব শৰ্মা । দেওবাৰে গোলাঘাটত অনুষ্ঠিত হোৱা অসম ভলীবল সন্থাৰ প্ৰতিনিধি সভাত বিনা প্ৰতিদ্বন্দিতাৰে অসম ভলীবল সন্থাৰ সভাপতি হিচাপে নিৰ্বাচিত হয় গোৱালপাৰা জিলাৰ আৰক্ষী অধীক্ষক সুশান্ত বিশ্ব শৰ্মা ।

উল্লেখ্য যে, প্ৰথম অৱস্থাত সভাপতিৰ পদৰ বাবে নাম প্ৰস্তাৱ হৈছিল সাংসদ তপন গগৈ আৰু সুশান্ত বিশ্ব শৰ্মাৰ । কিন্তু পৰৱৰ্তী সময়ত সাংসদ তপন গগৈয়ে তেওঁৰ নিজৰ নাম প্ৰত্যাহাৰ কৰাত সুশান্ত বিশ্ব শৰ্মা বিনা প্ৰতিদ্বন্দিতাৰে নিৰ্বাচিত হয় । ইফালে সন্থাৰ সাধাৰণ সম্পাদককে ধৰি অন্যান্য পদবীৰ বাবে অনুষ্ঠিত হৈছে নিৰ্বাচন ।

আনহাতে, গোলাঘাট জিলা ক্ৰিয়া সন্থাৰ উদ্যোগত গোলাঘাট ষ্টেডিয়ামত অনুষ্ঠিত হোৱা অসম ভলীবল সন্থাৰ প্ৰতিনিধি সভাত অসম ক্ৰিকেট সন্থাৰ পৰা বহিস্কৃত হোৱা বিকাশ বৰুৱাৰ উপস্থিতি মানি লোৱা নাই ভলীবল সন্থাৰ প্ৰতিনিধি সকলে । প্ৰতিনিধিৰ ভাষ্য , অসম ক্ৰিকেট সন্থাক ধংশ কৰি এতিয়া অসম ভলীবল সন্থাক বিকাশ বৰুৱাৰ দৰে লোকে ধংশ কৰিবলৈ আহিছে।