গোলাঘাট, 28 নৱেম্বৰ: গোলাঘাটত পুনৰ গ্ৰেপ্তাৰ হ'ল দুজন ড্ৰাগছ সৰবৰাহকাৰী। আটকাধীন ড্ৰাগছ সৰবৰাহকাৰী দুজন হৈছে নিকু শইকীয়া আৰু পিকু শইকীয়া। গোলাঘাট আৰক্ষীৰ 'মষ্ট ৱানটেড'নিকু শইকীয়াক গোলাঘাট কমাৰ্চ কলেজৰ সমীপৰ এটা ভাড়াঘৰৰ পৰা ড্ৰাগছসহ গ্ৰেপ্তাৰ কৰে আৰক্ষীয়ে। নিকু শইকীয়া বহু সময় ধৰি গোলাঘাটৰ ড্ৰাগছৰ ব্যৱসায়ৰ লগত জড়িত আছিল। যোৰহাট জিলাৰ তিতাবৰৰ বাসিন্দা নিকু শইকীয়া। নিকু শইকীয়াই গোলাঘাট কমাৰ্চ কলেজৰ সমীপৰ ভাড়াঘৰৰ পৰাই এই ব্যৱসায় পৰিচালনা কৰিছিল। কলেজৰ নিচেই সমীপত ছাত্ৰৰ সৈতে একেলগে ভাড়া লৈ থকা নিকু শইকীয়াৰ পৰা বহু ছাত্ৰ ড্ৰাগছৰ প্ৰতি আসক্ত হোৱাৰ সন্দেহ।
গোলাঘাটত পুনৰ গ্ৰেপ্তাৰ হ'ল দুজন ড্ৰাগছ সৰবৰাহকাৰী