গোলাঘাটত নাহৰফুটুকীৰ সন্ত্ৰাস

গোলাঘাটৰ নাহৰবাৰীত দেওবাৰে নাহৰফুটুকী বাঘৰ সন্ত্ৰাস ৷ আহত হয় চাহ বাগিচাত কৰ্মৰত বুধন ভক্ত নামৰ লোকজন ৷ আতংকিত হৈ পৰে অঞ্চলবাসী ৷

গোলাঘাট, 26 এপ্ৰিল : গোলাঘাটৰ নাহৰবাৰীত দেওবাৰে নাহৰফুটুকী বাঘে সন্ত্ৰাস চলোৱা আক্ৰমণত বুধন ভক্ত নামৰ এজন লোক আহত হয় । চাহ বাগিচাত কৰ্মৰত লোকজনে কামলৈ ওলাই যোৱাৰ সময়তে হঠাতে আক্ৰমণ কৰে নাহৰফুটুকীটোৱে । হাতে হাতে দা-কুঠাৰ,লাঠি লৈ নাহৰফুটুকীটো খেদিবলৈ ওলাই আহে স্থানীয় ৰাইজ ।

উল্লেখ্য যে,গোলাঘাটৰ এই অঞ্চলসমূহত কেইবাটাও বাঘে দীৰ্ঘদিনৰ পৰা বাঘে সন্ত্ৰাস চলাই থকা বুলি স্থানীয় ৰাইজে জানিবলৈ দিয়ে। এইক্ষেত্ৰত বন বিভাগে কোনোধৰণৰ ব্যৱস্থা গ্ৰহণ নকৰাৰ অভিযোগ উত্থাপন কৰিছে অঞ্চলবাসীয়ে ৷
লগতে পঢ়ক : লক ডাউন2.0 : আবদ্ধ জনতাৰ নিজ নিজ গৃহলৈ প্ৰত্যাগমন