গোলাঘাট জিলা সাহিত্য সভাৰ মধ্যকালীন অধিৱেশন

গোলাঘাট জিলা সাহিত্য সভাৰ সপ্তম বাৰ্ষিক মধ্যকালীন অধিৱেশন ফৰকাটিং মহাবিদ্যালয়ত অনুষ্ঠিত ৷

গোলাঘাট,28 এপ্ৰিলঃ গোলাঘাট জিলা সাহিত্য সভাৰ সপ্তম বাৰ্ষিক মধ্যকালীন অধিৱেশন গোলাঘাটৰ ফৰকাটিঙত দেওবাৰে সফল সামৰণি পৰে । ফৰকাটিং শাখা সাহিত্য সভাৰ উদ্যোগত হোৱা এই অধিৱেশনখনি ফৰকাটিং মহাবিদ্যালয় প্ৰাংগনত এদিনীয়া কৈ বিস্তৃত কাৰ্যসূচীৰে অনুষ্ঠিত হয় । দেওবাৰে পুৱা পতাকা উত্তোলন কাৰ্যসূচীৰে অধিৱেশনখন মুকলি কৰা হয় । তাৰ পাছতে ফৰকাটিং মহাবিদ্যালয়ৰ পৰা এক বাৰেৰহনীয়া সাংস্কৃতিক শোভাযাত্ৰা বাহিৰ কৰা হয় ।

লগতে পঢ়ক: গোলাঘাটৰ নুমলীগড়ত বন্যহস্তীৰ তাণ্ডৱ

শোভাযাত্ৰাৰ পাছত প্ৰতিনিধি সভা অনুষ্ঠিত হয় । অধিৱেশনৰ অন্তিম কাৰ্যসূচী ৰূপে মুকলি সভা অনুষ্ঠিত হয় ৷ মুকলি সভাৰ সভাপতিত্ব কৰে গোলাঘাট জিলা সাহিত্য সভাৰ সভাপতি সুৰেন্দ্ৰ মোহন হাজৰিকাই । সভাত নিৰ্দিষ্ট বক্তা হিচাপে ৰমানন্দ দুৱৰাই অংশগ্ৰহণ কৰে । মুকলি সভাত অসম সাহিত্য সভাৰ কেন্দ্ৰীয় সমিতিৰ সাংগঠনিক সম্পাদক দিগন্ত কুমাৰ ভূঞা আৰু কেন্দ্ৰীয় সমিতিৰ সদস্য পৰমানন্দ বৰা উপস্থিত থাকে ।