গোলাঘাট,7 আগষ্টঃউন্নয়নে ঢুকি নোপোৱা গোলাঘাটৰ সৰপথাৰৰ এটা অঞ্চল ৷ যাতায়তৰ সু-ব্যৱস্থা নথকাৰ বাবে চিকিৎসাৰ অভাৱতে প্ৰাণ হেৰুৱালে ৰোগীয়ে ৷ উল্লেখ্য যে, গোলাঘাট জিলাৰ ধনশিৰি মহকুমাৰ অন্তৰ্গত টেঙানীলৈ যাবলৈ পাৰ হ’ব লাগে ধনশিৰি নৈখন ৷ নৈৰ ওপৰত নাই কোনো দলঙৰ ব্যৱস্থা, যাৰ বাবে নাৱেৰেই নৈ পাৰ হ’ব লাগে অঞ্চলটোৰ ৰাইজে ৷
গোলাঘাটত দলঙৰ অভাৱত প্ৰাণ গ‘ল এজনৰ
বৃহস্পতিবাৰে অঞ্চলটোৰ ঠগিৰাম বৰি নামৰ ৩৮ বছৰীয়া এগৰাকী ব্যক্তি অসুস্থ হৈ পৰাত এম্বুলেঞ্চক খবৰ দিয়া হয় যদিও নৈখনৰ বাবে 39 নং ৰাষ্ট্ৰীয় ঘাইপথতে ৰৈ থাকিবলগীয়া হয় এম্বুলেঞ্চ ৷ টুলুঙা নাঁৱেৰে তেখেতক নৈ পাৰ কৰি এম্বুলেঞ্চলৈ অনা হয় যদিও তেতিয়ালৈ মৃত্যুক সাৱটি লয় লোকজনে ৷