গোলাঘাটত বৃহৎ পৰিমাণৰ বিস্ফোৰক সামগ্ৰী উদ্ধাৰ

গোলাঘাটত এটা গ্ৰেনেড, দুজাঁই 9MM পিষ্টলৰ সক্ৰিয় গুলী, 6 যোৰ সামৰিক পোছাক আৰু ছটা মেগজিন ৰখা জেকেট উদ্ধাৰ ৷ তিৰুৱালৰ পাপু আলিৰ ঘৰত উদ্ধাৰ হৈছে উক্ত বিস্ফোৰক সামগ্ৰীসমূহ । ইতিমধ্যে পাপু আলিৰ লগতে দেউতাক আজিজুৰ ৰহমানো পলাতক ৷

গোলাঘাট, 26 ছেপ্টেম্বৰঃ গোলাঘাটৰ 2 নং বৰফুকনখাট তিৰোৱালত উদ্ধাৰ গ্ৰেনেড,দুজাঁই গুলি আৰু সামৰিক পোছাক । তিৰুৱালৰ পাপু আলিৰ ঘৰত উদ্ধাৰ হৈছে উক্ত বিস্ফোৰক সামগ্ৰীসমূহ ।

অভিযুক্ত পাপু আলি

বিস্ফোৰক সামগ্ৰী সমূহৰ ভিতৰত আছে এটা গ্ৰেনেড, দুজাঁই 9MM পিষ্টলৰ সক্ৰিয় গুলী, 6 যোৰ সামৰিক পোছাকআৰু ছটা মেগজিন ৰখা জেকেট । আৰক্ষীয়ে জনোৱা মতে পাপু আলিৰ ঘৰৰ পিছফালে থকা এটা খেৰীঘৰত খেৰৰ তলত পুতি ৰাখিছিল বিস্ফোৰক সমূহ । ইপিনে অভিযুক্ত পাপু আলিৰ লগতে দেউতাক আজিজুৰ ৰহমানো ইতিমধ্যে পলাতক হৈ আছে । এই ঘটনাৰ পাচতে তীব্ৰ চাঞ্চল্যৰ সৃষ্টি কৰিছে সমগ্ৰ অঞ্চলটোত ।