গোলাঘাটত স্বয়ম্ভু এম.বি.বি.এছ আটক

নিজকে এম.বি.বি.এছ বুলি পৰিচয় দি চিকিৎসক হোৱা এজন ভুৱা চিকিৎসকক আটক গোলাঘাটত ৷

গোলাঘাট, 24 নৱেম্বৰঃ গোলাঘাটত ৰঙাঘৰত সোমাল ভুৱা চিকিৎসক ৷ নিজকে এম.বি.বি.এছ ডাঃ ৰাজু চন্দ্ৰ হাতীকাকতি বুলি পৰিচয় দি চিকিৎসকৰ যাৱতীয় নথি পত্ৰ, পঞ্জীয়ন নম্বৰ আদি ভুৱাকৈ প্ৰস্তুত কৰি বিভিন্ন ঠাইত চিকিৎসক হিচাপে যোগদান কৰি জালত বন্দী কৰি আছিল বহুজনক ৷ তেওঁ বিভিন্ন চাহ বাগিচা, ফাৰ্মাচী আদিত চিকিৎসা সেৱা আগবঢ়োৱাৰ প্ৰতিশ্ৰুতি প্ৰদান কৰি কৌশলেৰে বিভিন্নজনৰ পৰা ধন সৰকাই আহিছিল ৷

গোলাঘাট নগৰৰ এখন ফাৰ্মাচীত চিকিৎসকৰ প্ৰয়োজন হোৱা বুলি বিজ্ঞাপন দি অতি কৌশলগতভাৱে স্থানীয় যুৱককেইজনমানে ভুৱা চিকিৎসকজনক কাৰায়ত্ত কৰি আৰক্ষীক গতাই দিয়ে ৷ । গোলাঘাট আৰক্ষীয়ে অভিযুক্ত চিকিৎসকজনক অধিক তথ্যৰ বাবে সোধা পোচা অব্যাহত ৰাখিছে ।

আৰু পঢ়কঃ অষ্টম শ্ৰেণীৰ ছাত্ৰৰ চমক: সাজি উলিয়ালে নাৰিকল ৰোকা যন্ত্ৰ