অবৈধ কাঠফলা মিলৰ বিৰুদ্ধে গোলাঘাট জিলা বন বিভাগৰ অভিযান

অবৈধ কাঠ ফলা মিলৰ বিৰুদ্ধে গোলাঘাট জিলা বন বিভাগৰ গোপন অভিযান ৷ অভিযান চলায় বন বিভাগে ৬টা কাঠ ফলা মিল উচ্ছেদ কৰাৰ লগতে জব্দ কৰে কাঠ ফলা বহু সা-সৰঞ্জাম ৷

গোলাঘাট, 13 জুলাই : অবৈধ কাঠ ফলা মিলৰ বিৰুদ্ধে গোলাঘাট জিলা বন বিভাগৰ গোপন অভিযান ৷ অভিযান চলায় বন বিভাগে ৬টা কাঠ ফলা মিল উচ্ছেদ কৰাৰ লগতে জব্দ কৰে কাঠ ফলা বহু সা-সৰঞ্জাম ৷ বৰপথাৰ খণ্ড বন বিষয়া কাৰ্যালয়ৰ অধীনৰ গেলাবিল,নাহৰবাৰী,চকলি মিৰি গাঁও,পাভজান আদি গাঁওত অভিযান চলাই এই সামগ্ৰীসমূহ লৈ যায় গোলাঘাট জিলা সংমণ্ডলৰ কাৰ্যালয়লৈ |

উল্লেখ্য যে, বিগত বহু সময়ত বৰপথাৰৰ ভিন্ন ঠাইত অবৈধ ভাৱে কাঠ ফলা কাৰ্য সংঘটিত হৈ অহাৰ অভিযোগ উত্থাপন হৈ অহাত গোলাঘাট বন বিভাগে চলায় এই অভিযান ৷ বন বিভাগে অভিযান চলোৱা কাঠ মিলৰ বাহিৰেই অন্য কেইবাটি মিল ৰহস্যজনক ভাৱে উচ্ছেদৰ পৰা বন বিভাগৰ লোক সকল বিৰত থকাৰ অভিযোগ উত্থাপন হৈছে |