গোলাঘাট,১৬ জুনঃ গোলাঘাটত শনিবাৰে নিশা চন্দন নগৰ এল কে বৰুৱা ৰ'ডত অগ্নিকাণ্ড । গোলাঘাট মধ্য ইংৰাজী শিক্ষক সন্থাৰ কাৰ্যালয়ত সংঘটিত হয় এই অগ্নিকাণ্ড । জানিব পৰামতে কাৰ্যালয়টোৰ ভিতৰত থকা ৰান্ধনিশালৰ গেছ চিলিণ্ডাৰৰ পৰা গেছ নিৰ্গত হৈ জুইৰ সূত্ৰপাত ঘটে ।
কাৰ্যালয়ৰ ভিতৰত থকা গোলাঘাট মধ্য ইংৰাজী বিদ্যালয়সমূহৰ হ'বলগীয়া দ্বিতীয় গোট পৰীক্ষাৰ প্ৰশ্ন কাকতসমূহ অগ্নিকাণ্ডৰ পৰা কথমপি ৰক্ষা পৰে । জুই সূত্ৰপাত ঘটাৰ লগে লগে অগ্নি নিৰ্বাপক বাহিনীক খবৰ দিয়াত অগ্নি নিৰ্বাপক বাহিনী উপস্থিত হৈ জুই নিৰ্বাপন কৰিবলৈ সক্ষম হয় ৷ ফলত কোনো ধৰণৰ সা-সম্পত্তি অনিষ্ট হোৱাৰ পৰা ৰক্ষা পৰে ।