কৰ’ণা আতংকৰ মাজতে গোলাঘাটত অন্ধবিশ্বাসৰ বলি একাংশ লোক

গোলাঘাট জিলাৰ মহিমা জলকীয়াবাৰী অঞ্চলৰ প্ৰতিঘৰ লোকেই দুৱাৰ মুখত গাঁত খান্দি গাঁত খান্দি পুতি থৈছে একোটাকৈ সৰু কয়লাৰ টুকুৰা ৷ অঞ্চলটোৰ লোকসকলৰ বিশ্বাস এই কয়লাৰ টুকৰাটো থাকিলে মহামাৰী কৰ’ণা ভাইৰাছৰ পৰা মুক্তি লাভ কৰিব ৰাইজে ৷

গোলাঘাট,26 মাৰ্চঃ সম্প্ৰতি সমগ্ৰ বিশ্বই মহামাৰী কৰ’ণা ভাইৰাছৰ বিৰুদ্ধে যুঁজ দি আছে ৷ দিনে নিশাই আক্ৰান্ত সকলৰ পৰিচৰ্যাত নামি পৰিছে চিকিৎসা কৰ্মী ৷ কিন্তু ইয়াৰ মাজতো ৰাজ্যৰ একাংশ লোক বলি হৈছে অন্ধ বিশ্বাসৰ ৷ এটুকুৰা কয়লাই কৰ’ণা ভাইৰাছৰ পৰা ৰক্ষা কৰিব পাৰে বুলি বিশ্বাস কৰি লৈছে ৰাজ্যৰ একাংশ লোকে ৷

উল্লেখ্য যে,গোলাঘাট জিলাৰ মহিমা জলকীয়াবাৰী অঞ্চলৰ প্ৰতিঘৰ লোকেই কিছুদিন পূৰ্বে অন্ধবিশ্বাসত ভোল গৈ ঘৰৰ দুৱাৰ মুখত গাঁত খান্দি পুতি থৈছে একোটাকৈ সৰু কয়লাৰ টুকুৰা ৷ বৃহস্পতিবাৰে্ সাংবাদিকৰ কেমেৰাৰ আগত গাঁত খান্দি উলিয়াই পুতি থোৱা এই কয়লাৰ টুকুৰাসমূহ ৷ অঞ্চলটোৰ লোকসকলৰ বিশ্বাস এই কয়লাৰ টুকৰাটো ঘৰৰ দুৱাৰ মুখত থাকিলে মহামাৰী কৰ’ণা ভাইৰাছৰ পৰা মুক্তি লাভ কৰিব ৰাইজে ৷ এনেদৰেই অত্যাধুনিক প্ৰযুক্তি বিদ্যাৰ এই যুগতো ৰাজ্যৰ একাংশ লোক অন্ধবিশ্বাসৰ কৰাল গ্ৰাসত ডুব গৈ থকা পৰিলক্ষিত হৈছে ৷ একাংশ অন্ধবিশ্বাসী লোকৰ এই কাৰ্যই গোলাঘাটত প্ৰতিক্ৰিয়াৰ সৃষ্টি কৰাৰ লগতে সচেতন লোকসকলে এই ঘটনাক নিন্দা কৰিছে ৷ লগতে অন্ধবিশ্বাস বিয়পোৱা লোকসকলৰ বিৰুদ্ধে প্ৰশাসনক বিহিত ব্যৱস্থা গ্ৰহণ কৰাৰ বাবে দাবী জনাইছে ৷

লগতে পঢ়ক-মৰিগাঁও আৰু বৰপেটা ৰোডত লক্ ডাউনৰ প্ৰতি সতৰ্ক আৰক্ষী প্ৰশাসন !